فاتي فلور لباس عليك كيف درتي مع شي خدمة

ها واحد السلام عليكم البنات كيدايرين :)

إيوا هانا لاتقولو ناسيكم من الشهيوات البارح صاوبت فالعشا كراتان دوفينوا و قدمتو مع الكفتة مشوية جا تايدوخ صافي و البطاطا را تاتعجب كلشي الا شي حالات ميؤوس منهم .....................كانضحك المهم خوذو المقادير جوج بطاطات كباااار باش يجيوك الدوائر عراض و زوينين وايلا كانو البطاطات صغار ماشي مشكل ديري ربعة وقطعيهم دوائر بالطول ماشي بالعرض الدوائر خصهم يكونو رقاق شي ملمتر ونص صافي.. فكاسرونة ديري كاس دالحليب صغير و نص ضامة البنة دجاج و ملعقة صغيرة عسل و رشيشة ديال البزار و طبخي فيه دوائر البطاطا جوج دقايق وطفي عليها و خليها تبرد فحليبها من بعد صفيها و جيبي طبسيل ديال الكراتان ويلا ما عندكش ديري شي طاجين صغير دهنيه بالزبدة مزيان و فرشي فيه كوشة ديال البطاطا و رشي عليها الفروماج محكوك انا درت الإمانطال وغطي بكوشة أخرى ديال البطاطا ورشي عليها حتى هي الفروماج و سقي الطبسيل كلو بكاس صغير الا ربع ديال لا كريم فريش و دخليها لفران معتدل عشرين دقيقة را قبل ما يطيب الريحة غاتجيب ليك الخبار ديال المذاق

والكفتة ايلا بغيتو تصرعوها للشوا زيدو فيها راس ديال الثومة و شي وريقات ديال النعناع اوما تكتروش ربعة الوريقات ولا خمسة فالكيلو و عينك ميزانك را المذاق تايجي بحال الخلطة السرية هههه

ياللا يا للا وعلى شهيواتك اليوم نصاوب هاذ الكراتان أهلا البنات إوا يالله شكون عندها شي جديد راكم تبارك الله مجموعين كاملين