والله إلا فكرةندير البطاطامع الحليب تطيب واحد شوية عرفتي أنا كنصوب كرتان دوفينوا وكنخلي البطاطا خضرة حتى تطيب فى الفرن كتاخد الوقت بصح كيجي الفوق مقرمش وزويين
ولكن بغيت نسولك وش ماغديش تجي شوية رطبة بزاف

دابة را جاية الحلوى شكون لي غاتصوبها فالدار و شكون لي غاتشريها

لا ابدا حيت غير نص طياب غادي تشرب هاذيك لاكريم كاملة و غادي يجي مقرمش من برة و طري ولزيز من جوه را غادي يتحمر من الفوق غير تهناي وما غاديش يخسر فالتقطاع غادين يجيوك طروفة مقادين

روح الإيمان كيدايرة الزين يسول فيك الخير والرباح الحبيبة والله يحفضك وينجيك من دوك الأعاصير ويردك لبلادك سالمة وغانمة يااااااااااااااااااارب

الباراح جاني الخوف حيت قالو في الأخبار غاذي يكون ريح قوي وقلت ياك ما داك الإعصار غادي يجي لهولاندا حتى هي ناااااااااااااااري إذا جا لهولندا الهولنديين غاينقرضو حيت هولندا كلها مبنية فوق الماء غير دورة وحدة ديال الإعصار ومايعقلوش على هولندا فين كانت

الله يلطف بنا وصافي

شكون لعطتنا كيك التفاح بعدا المهم هاهوا كيك التفاح ديالي وجربوه
2 بيضات
4معالق زيت
6معالق سكر
8معالق حليب
نصف دانونة
خمرة حمرا
10 معالق طحين
تفاح مقشر ومقطع على شكل هلال ومدهون بالحامض باش مايكحالش
الكريمة
بيضة
م ص زبدة
فاني
2معالق سكر
خلطي المقادير كاملين وعمليهم فىالمول ديال لاطارط وستفي الطريفات ديال التفاح ودخلي الفرن باش تطيب
فى هذه الأثناء صوبي الكريمة خلطي البيصة مع الزبدة والسكر والفاني وبلا ماتوقفي من الخلط حطيها فوق نار مهيلة حتى تشوفيها ولات بحال الكريمة ودهني بيها لاطارط التفاح منين تخرجيها من الفرن مباشرة وجربوها راها سهلة