fleur rose ربي يخليك الحبيبة على اهتمامك راني كنعطيها حليب الفرماصيان الله اعلم هو اللي خلاها تكره الرضاعة الطبيعية والله انا ما حاملةنعطيهليها ولكن الخدمة هي اللي فرضاتو عليا ملي بديت الخدمة فشهر سبتمبر بديت كنعطيها حليب نيرسي او دابا خلات ليا حليبي نبخر بيه:( :)

اختي راه الخبز اللبناني حتى هو جربتو طلع لي غزال وكاين في الصفحة 128 أما المهلبية ما عقلتش فين وإلا بغين نذكر بها واخا

اوا ماعندك ما الديري الحبيبة حتا انا ولدي مارضعتوش مابغاش ليا البزولة واخا كان عندي الحليب وكنت كنعطيه في الاول nan ماوافكوش كان كيرض بزاف ومن بعد عطيتو nidal حتى كمل العام والحمد لله راه بخير ووزنو مزيان
ودابا كنعطيه1+ nido وكنعطيه حتى داك الحليب ديال bledina vanille اوا راهم تايكبرو وصافي الله يحفظهم من الامراض يا ربي

أختي ليمارمار ..ها واحد الوصفة اخرى ديال عجينة اللوز

حلوة الفريز راها كتجي فريز وصافي في الشكل وفي المذاق وساهلة

نفس عجينة اللوز اللي قلت ليكم عليها قبل ، يعني نصف كيلو لوز مصلوق منشف مطحون مع 200غ سكر كلاصي أضيفي ليه روح الفريز وملون أحمر حتى يعطيك لون الفريز
ثم شكليه على شكل فريزات ثم فنديهم في السنيدة غليظة ، غربلي السنيدة وخوذي غير الغليظة
ثم وضعيه في كويغطات بيضاء ، حاولي تديري روح الفريز كثيرة ربما تدخل ليك القرعة صغيرة كلها ، حاولي تشري ديما هاد النكهات اللي كيكونو في القرعة الزاج حيت ديال البلاستيك راه ماتيكونوش مجهدين.
طبعا الى وقتك يسمح ممكن ديري شي وريقات صغار بزاف بحال ديال الفريز الحقيقي بالشكلاط الأبيض والملون أخضر وتحطيهم فوق الفريزات اللي صوبتي وممكن تستغناي عليهم.
بنفس العجين ممكن تعملي تفاحات أو بنانات وطبعا كل واحدة تضيف نفس النكهة ديالها وتشكليها بشكلها ، البنان تديري غير بنانات صغار قد صبيعات وتقوسهم شوي .

شكرا اللا أم سارة لهلا يخطيك