تبارك الله على فلوغ غوز وشهيواتها ، راني سجلتهم عندي وأول حاجة غاديا نديرها هي الفقاص مالح ، راني كتعجبني بزاف الحلوة مالحة احسن من الحلوة الله يحفظ ليك ايدياتك وجودي علينا الى عندك شي حاجة مالحة ، راني ماتنشبع من هاد الشي .. الله يعفو... وراكي مجربة راكي بحالي في هاذ الإدمان

هادي حليوة اخرى لكن بالدقيق واللوز بش تنوعو شوي

حلوة اللوزة

ربعة زبدة ، كاس زيت ، ربعة سنيدة ، روح الزهر والدقيق حسب الخليط
خلوها رطبة بش تجي هشيشة ، جعلي منها صبيعات صغار وكل وصبيع ديري فيه لوزة مقلية ، لما يطيبوا فنديهم في السكر كلاصي.

مغربية ...بارك الله فيكالحبيبة لهلا يخطيك حليواتك شهوة منهم ربي يخليك
ليمالمار الله يفكك على خير الرياضة فعلا مهمة وقت الحمالة وخصوصا المشي حاولي التمشاي بزاف راه كيسهل الولادة واخا انا فالولادة ديالي الثانية هبط ليا بنادم للتحت وكنت مكنقدرش نتمشى الشهر الاخير كلو وانا ناعسة ولكن الحمد لله وقت الولادة سهل عليا الله بزاف وبسرعة خرجت هاد الفرطوطة حتى الممرضة باقي كاع ما وجدات غوت واحد الغوتة وخرجت البنت الله يجعل ولادتك كيف ديالي ان شاء الله دعي الله يعاونك ويسر ليك فكل صلاة

هاذي خاصها شوي الشرح واش اللوزة لداخل ولا فوق الصبيع واش كتجوي طوولة مرسي مسبقا مغربية

حلوة هشيشة باللوز راها معروفة نكتبها اللي ماعندهاش
ربعة زبدة أو مركرين - زلافة صغيرة زيت - كأس صغير زنجلان محمر وغير مطحون ، 125 غ لوز مهرمش غير محمر ، 125غ زبيب مقطع صغير ، 1 خميرة ألزا ، زلافة صغير سكر كلاصي ، شوي ماء الزهر أو من الأحسن روح الزهر ، الدقيق حسب الخليط
خلطي كل العناصر ثم أضيفي الدقيق شوي بشوي للحصول على عجين رطبة ، جعلي منها كويرات صغار وعفسيها بالفرشيت من ثلاث جوانب لما تطيب تفند في السكر كلاصي.