حياكم الله أيتها الغاليات والسلام عليكم

أبارك لكم من جديد عيدكم واتمنى من الله يجعل سعادتكم عادة وأيامكم أعيادا بمسراتها وأفراحها وتجمع العائلة والأحباب.
ايوا هاني جيت وراني موحشاكم كلكم وراني قضيت العيد في الرباط عند واحد الأخ ديالي وراني كنسلم عليكم واحدة واحدة وقبلة حارة لكل وحدة منكم وبغيت نكتب الأسامي ديالكم لكن خفت ننسى شي واحدة وتقلق علي وانا الذاكرة عندي راه ضعيفة

المهم تنقول ألف مبروك لأختي هبهوبة على العمل الجديد والله يجعل ليها فيه الخير والبركة ويجعل ليها نقطة تحول في حياتها من حسن الى أحسن وإنشاء الله يليه فرحة أن يرزقها الله بالذرية الحسنة.
الأخت منى قلبنا معك في مصاب صديقتك والله معها ان شاء ترجع لأهلها آمنة وبسلام.
الأخوات اللي حبلات الله يطلق سراحهم على خير ويجعل كل شي يسير ويسعدو بالمولود وينسوا الآلام ويجعل ذلك مغفرة لذنوبهم

اختي عرموطة على سلامتك وراكي نورتي المنتدى ، وشحال غبرك علينا رمضان وبزاف
فاتي وفلوغ غوز ان الله مع الصابرين في رجوعنا لهاد التوقيت ، بالفعل كان وزير الوظيفة العمومية قال بللي فوقت البرد غادي ينقصو ساعة ... وخى بحال بحال المهم غير نقصوها بعدا ...نهارنا كيدوز باطل فوق المكاتب وتنبقاو حاضيين غير الوقت وملي كتخرجي كتمشي عيانة للدار و ماشاء الله وخلاص. وانا في إدارتنا ماكاين فين تغداي الى خطاك تمشي تشري شي حاجة في الحانوت وصافي وديما تنجبر مشكلة في الغداء الىمشيت للدار نصف ساعة غادي يمشي غير في الطريق. والله يدير لينا شي تاويل دالخير




:27:

البنات رباطيات واللا الكازاويات شكون الله يرحم الوالدين اللي تتعرف شي بوتيك اللي تتبيع ملابس المحجبات تعطيني سميتها وعنوانها وربي يجازيكم

ليمارمار فكرة رائعة ديال حفظ القرآن ، والحمد لله انا راني حافظة الثلاث أحزاب الأولى ونتمنى ربي يساعدني ونكونو من حفظة كتاب الله الكريم

صباح الخير الحبيبات اوا راني ديما كنسول فيكم يا ك كتقراو والا كتجيو نيشان للصفحة الاخيرة المهم كيف دايرين وكيف دايرة الصحيحة
غير سكتو هاد التوقيت شحال خايب كون نقصو ساعة غادي تكون مخيرة او ولينا كنجيو مصهوطين من الخدمة ووليداتنا ما نجلسو معاهم ما نلعبوا اوا رجا في الله ما توقيت ما والو خاصنا شي اضراب اوا فينكم كاتخليونيش وحدي
حتا حنا بدا شوية البرد هنا في كازا اوا باين غادي يجي قاسح لحقاش تعطل اوا الله يرحمنا

ليمارمار فكرة رائعة ديال حفظ القرآن ، والحمد لله انا راني حافظة الثلاث أحزاب الأولى ونتمنى ربي يساعدني ونكونو من حفظة كتاب الله الكريم الذين يقول لهم رب العزة إقرأ وارتقي.
حاولت نحفظ سورة البقرة لكن جاتني صعيبة وتنسى بعض الآيات منها حيت فيها آيات متشابهات كثيرة وماعرفت أش ندير