السلام عليكم يا البنات واخا ما كتسولو علي
هاذ الكمبيوتر عندي اسبوع وانا كنحاول ندخل وكيرفض لي ... توحشت البنات وكلامهم لكن الله غالب ...
المهم كيفكم وكيف هي اخباركم وكيف عاملين مع التوجاد والعواشر ... انا ما عملت والوا ... لكن ربي كيعين ...
شيتوس ، فلور روز، روح ليمان ، جانا جارتي انا ايضا من الشارقة ربما شفتني كنلف جنب الحديقة او البحيرة ... سبيرينغ روز ، المؤدبة دائما ... واخا ما كتسولو في انا حابة نبارك ليكم الشهر لانكم عزيزات وبنات البلاد ... وتستاهلوا كل خير

الغزالة بنت بلادي عرموطة
الله عنقيني بيديك بجوج توحشتك ، لكن دارها الكمبيوتر ، يومين رفض يدخل ومن قبل كلما نبعث رسالة تخرج لي صفحة بيضاء ... حتى شعرت بالياس ..
المهم كيفك الحبيبة وكيف هما الصغار ... تعرفي انا كنت كننعس واللاب توب معي في الفراش او على الفوطوي وبديت كنحس بالم في بزولتي اليسرى من كثر ما كنتصفحة وانا مستلقية ...
تعرفي مت بالضحك ، انا حبيبتي احب الماكياج ونحب نشوف الناس عاملينه لكن انا اكتفي بالكحل وعكار خفيف لا غير ... حتى حواجبي ما سبق لي نتفتهم ، ما كنروح لصالون ولا اي حاجة كنمشط شعري كيف كنت في ثانوية حليمة السعدية بالرباط ، وحتى الفليل ذيك تاع ربعة ريال اللي بحال السلك ...طبيعية بزاف ... احيانا كنقول علاش ما نعملش الماكياج ... لكن كنوجد نفسي كنخربق والله ما نعرف نتقنه مع اني مختصة في شؤون المراة والجمال ...اختك كتفتقد للمسة الفنية ، حتى شعري تسريحته بسيطة ، كان تلفزيزيون دبي محتفل بعيده السنوي ، واختك طلبوا منها تتكلم ، كل الزملاء كانوا لابسين ومزيزين وموجدين راسهم الا انا كنت ديك النهار عاملة ظفيرة عوجة وفي اخرها خيط ، وعيني حمرا من السواقة والجو الساخن ... وختك حست بانفعال وبدات تتكلم بالمغربية وتشوفي الفضيحة ..
الحمد لله الله يخلينا في صباغتنا ...ذكريتني انا هنا كل من شافني وعرفني مغربية يطلب مني نعمله السحور وكاني عاملة علام فوق بيتي ...والله الوضع مؤسف وكيف قلت العام الاول لي هنا في الامارات مرضت نفسيا وجاتني حالة كآبة ، عروسة وما عرفت لا نطيب ولا نعمل اي حاجة ... ولفت الجمعيات قدام الباب والجوطية والناس والحمام ... هنا الناس ماشي حنان بحالنا كنديرو بالملحة والجورة والاصل ... مرضت كثير وكان زوجي ياخذني عند الشيوخ يقراو علي القران ... لكن شوية شوية خفيت وبديت ندير العلاقات ورجعت نطيب ونتول... ورجعت نلف على السوبرماركيات .. وبالمناسبة مهرجان دبي كنظل فيه ولو نصيب نبقى فيه الشهر كله ما نعيا ولا نحس بالتعب ... الحقيقة لازم هاذ السنة نشوفك ونروح ليه ... شريت منه حويجات زوينة ...
عرموطة، نخليك ولا تحافيني راه النت هو السبب ... ومال راك في البال انت والبنات
تهلاي في راسك وفي الوليدات

جانا 2

انت حداي وانا ما عرفتك ... انا في خالد بلازا بالقرب من البحيرة ... وما عندي علاقة بالمغربيات لانك عارفة هنا ... اختك من الخدمة الى البيت الى التسوق ... وربما شفتيني لابسة جلابة سوداء بدا لونها كيكشف علي ... فكري شوية وتوجدي نفسك شفت هاذ المخلوقة
تهلاي لي في راسك ومرحبا بك معنا ...

والله الا فرحت بزااف ملي دخلت لهاد الوبي ولقيت خوتاتي المغربيات :32: :26:
ونترجى من الله تقبلوني بيناتكم
اسمي رقية من نواحي مراكش وساكنة في الرباط عمري 30 سنة

البنات اش اخباركم كنتمنى تكونو بخير وعلى خير.
البنات ماعرفتش مال المنتدى معايا :16: , ماكايبغيش يدخلني وحتى ايلا ادخلت ماكانقدرش نكتب :icon33:
المهم توحشتكم بزاف كاملين من الالف للياء, وبالاسم, الله شاهد باللي ديما فالقلب :) .

شيتوس ميس ماغوك مانيكان تكامت؟ الصاحت؟ ايت تكمي لاباس دارسن؟ مبارك عواشير نونت اتيك ربي سالخير دالهنا فلانونت ولا كلو اموسلمن. نكي كيح اولت النواحي نتزنيت ماش الولح ح اكادير نكرحد كيس. شيتوس حاقان رانيت تكت حالفاميلة بلاد ايوح لاخبار اشكو جدا س بابا (اتن كولو ايرحم ربي) تكا تاماسيت :D .
_ ترجمة_:شيتوس ميس ماغوك كيدايرين, الصحة, موالين الدار لاباس عليهم؟
عواشر مبروكة يدخل عليكم وعلى جميع المسلمين بالخير والهناء . انا اصلي من نواحي تيزنيت ولاكن تولدت وكبرت فأكادير. شيتوس ايمكن غادي تكوني من العائلة بلا خباري حيت جداتي من الواليد (الله يرحم الجميع) حتى هي من ماسة.

عود مبخر: رمضان مبارك اختي ان شاء الله نكون جميعا ممن يصومونه ويقومونه ويعتقون فيه.

فلوغ غوز: انا لاباس الحمد لله . سول فيك الخير الحبيبة. وانت اش اخبارك؟ عواشر مبروكة.

جانا2 : مرحبا بيك اختي معانا و رمضان مبارك.

روح ليمان الحبيبة توحشتك, كندخل ماكانلقاكش . عواشر مبروكة.

عرموطة: الحبيبة اش اخبارك؟ بالصحة التحميمة وخا معطلة. الله يرجع ليك راجلك بالسلامة. رمضان مبارك. شوفي انا مامزوجاش ولاكن كنحماق على الماكياج وخا ماشي فنانة فيه بزاف وحتى فالمناسبات ماكاندير غير شوووووية ولاكن ملي نكون بوحدي ولا نلقى شي وحدة مسكينة تخلي لي وجهها ماكانقصرش :30: (الله يعاون اللي جاورني)

مغربية: مرحبا بيك اختي, اش اخبارك؟ رمضان مبارك.
سبحان الله!! حتى انا اليوم كنت غادي نقترح على البنات نديرو حتى احنا شي حاجة نستفدو منها واللي عندها شي حاجة تساهم بيها: طبخ, تجميل,ذكر....خصوصا رمضان هادا. درت دورة فالتجمعات الاخرى لقيتهم محيحات ماشاء الله . واخا احنا يالله باديات وماشي كلنا فبلاد وحدة بحالهم, يمكن هاد شي يكون بفايدة, ماعرفتش . عرموطة اش قلتي؟ وباقي البنات اش قلتو؟
النافعة:مرحبا بيك اختي ورمضان مبارك.
فتيحة: اش اخبارك اختي؟ كنتمنى تكوني بخير. رمضان مبارك.
سبرينغ الحبيبة الله يعاونك مع الستاج, رمضان مبارك
رقية: مرحبا بيك اختي ورمضان مبارك.

البنات اللي نسيتها تسمح لي وتعرف باللي غير الكلافيي اللي نساها وراه كل خواتاتي المغربيات و فالقلب :D .(عدروها دايخة بالنعاس)
الحبيبات سمحولي ايلا طولت عليكم ولاكن ماتيقت قدرت نكتب .
نشوفكم على خير.
السلام :27: