تسناوني هانا جيت ديروا الصف و سلموا عليا وحدة وحدة
كيف دايرين كيف دايرين الدراري و ما عز عليكم
المؤدبة ,فلور دغوز, شيتوس, مغربية, النافعة, سبريل رونغ, رقية, جانا, فتيحة و اخيرا عرموطة ويا رب ما نكون نسيت حد

فيحة انا فرحانة حين حتا انتي من الامارات و لكن قلقتيني شوية و سمحي ليا (راه حنا خواتات)
يا اختي علاش ما تتديهاش في راسك خلي بالك على نفسك شوية و ما تقلقيش على حتى حاجة و ادا بغيتي تفضفضي راني كاينة نجي ليك فين ما كنتي انا ديما تنمشي دبي ما يردك الا لسانك

و اخيرا عرموطة بلا ما تهضري انا غادي نقول كل شي : انا عيشة في ابوظبي دار الظبي و خدامة و تنقرى الحمد لله شهر سبعة خديت الليسانس و دابا راني تنكمل (هاهاها ما تنضيعش الوقت) و عندي صحابات اكثرهم اماراتيات, و تنبغي ندير الرياضة و لكن ما تنلقاش الوقت لان القراية عندي في الليل, مخطوبة والا تفكرت شي حاجة نقولها

بالنسبة للماكياج انا تنحماق عليه و تنشريه اكثر شي لانكوم و مكياجي و ماك و لكن ما تنستعملوش بزاف لان في الخدمة ما نتبغيش نحط و الا حطيت شوية تيبان بزاف

شوفو غدا ما عندي قراية و عندي غير الخدمة و راكم كلكم معروضين ما نبغي حتى وحدة تقول راها ما مسالياش

فاتحة مرحبا ومرحبا بجارتي انا ساكنة فبرج الخان وانا الحبيبة متنخرجج بزاف حيت تتعرفي عندي 2 ديال دراري ومزال مدرتش البرمي هنا ومعنديش الخدامة ختك هزا الهم للخريج بزاف وخا انا تنموت على شي سميتوا دوران فالسواق ومرحبا بيك عندي دوزي نشربوا شي كاس دتاي
اختي عرموطة مرحبا بيك ويلا مهزتكش الارض نهزك فوق راسي ودار دارك وانا داري مفتوحة الكل المغاربة وانتمى خواتاتي

صباح الورد والفل والياسمين كيف دايرين الفنات ومرحبا بالبنات جداد
شيتوس كيف دايرة ازين لباس عليك
ميس ماغوك اش كتعودي وفين شاداها
عود مبخر كيف هي احوالك اختي
المؤدبة دائما يسول فيك الخير والرباح كيف دايرة وكيف دايرين الفاملة
جانا كيف صبحتي ومرحبا بيك مرة اخرى
روح ليمان عواشر مبروكة فين غابرة ماكادخليش بزاف اوا تهلاي في راسك
مغربية مرحبا بيك وكيف دايرة مع الخدمة حتي انا عندي الانترنيت غير في الخدمة اوا ماتغبريش
النافعة مرحبا بيك معانا في الصالون المغربي
فتيحة كيف دايرة الزين حاشا واش نساوك مالكي غابرة خلينا نعرفو اخبارك ياك بعد لباس عليك
سبرينغ فين وصلتي مع الستاج اوا اش كتعودي
رقية مرحبا بيك عندنا
وانتي الحبيبة عرموطة انتي هي الاخرة لحقاش لهدرة معاك كثيرة اوا في وصلتي مع التسركيل عرفتي حتي انا تنموت على السواق والمهرجانات وراك عارفة المهرجانات الي كيكونو في المغرب تواشا والماعان والتخربيق منقدرش مانشري والو
وليدي مسكين ضربو البرد ومع تينوض في الضراس تيقطع في القلب الحبيب دالي نسيت ماقلتش ليك عيد ميلادي كان نهار الاحد- واخا حتى وحدة ماضكرتني ماكاين باس-راجلي شراليا مكانا زوينا من السواتش اوا خرجات منو وماما الله يخليها ليا دارت ليا الحلوة والبسطيلة اوا هادا ماكاين حتى النذكر شي حاجة ونعود ليك تهلاي دابا عيت بالكتبة

ياكي ا جانا و فلور غوز

دخلتو و ما رحبتوش بيا بحال الا ما شفتونيش و خا انا سلمت عليكم

حتى يجيوا خواتاتي اللي غابرين و نشي ليهم عليكم

حبيبتي عصفورة على الشجرة و الله مارديت البال وسامحي لييا صافي ومرحبا بيك معانا الزين متقلقيش لينا وكولي لينا انت تش تاتعاودي