أختي حبحوبة مـرحبـــــــــــــــــــــــا بك وألــف مرحبــا نورتينا بالوجود ديالك معانا والله يعاونك مع تمـارة ديال رمضان ، ومرحبا بكل حبابتـنا والدار داركم وانتما ماليها

هههههههههههههههه

والله عندك الصح أ لفلور غوز كل واحد دابا ماتيفكر غير في الحريرة وهمها ، وهاحنايا أختي لعزيزة مع داك التوقيت لعزيز

نهار كامل وحنا كاعدين فوق البيرو حتى نطيبوا وكرشنا كتضرب نواقس

حنا راديرين لينا واحد restaurant اش غادي نقوليك مقابين غير الكرعة الله يعطيهم الوجع غير سكتي راني دابا فيا الموت ديال النعاس كندوزو الوقت بزز

ألحبيبة fleure rose على ذكر البريوات ديال الكروفيت هاهي الوصفة ديالي وأكيد غادي تعجباك عرفتي الصويريات عندهم مع الحوت وفواكه البحر :
الكروفيت حولي قشريه بلا تصلقيه باش يبقى بالبروتينات ديالو
في مقلاة ضعي شوي زيت بلدية أضيفي الكروفيت ، تحمرة الحلوة والحارة الكمون ملح شوي ثوم مدقوق القزبور مقطع وقشرة الحامض مصير مقطع صغير وديه وجبيه في عافية مهيلة حتى تخلط لقامة كلها ولما يبرد عمري به البريوات ديالك ، يمكن تحضريهم بورقة البسطيلة وتقليها أو دهنيها بالزبدة كثيرة وطيبيها في الفرن وملي تقرب تطيب خرجيها وضعي فوقها الفرماج الحمر محكوك ودخليها الفرن لما يذوب الفرماج خرجيها وكليها وهي سخونة أو يمكن تحضريها بالعجينة المورقة ودهنيها بالبيض وطيبيها فالفرن ، والى جربتي ردي عليا لخبار وأنا متأكدة غاد تعجباك
وعندكم ألنقــــــالات تنقــلـي مني