وشفتي هاذ الوصفة اللي عطيتك ديري بحالها وزيدي عليها الفرميسيل شنوا ، وأصناف ديال الحو لبيض فوريه 5 دقايق فقط وقطعيه وشامبنيون ديال الكونسيرف مقطع وديري بها بسطيلة والله كطلع لذيذة ، عرفت بزاف ديال الناس ماتيعرفوش البسطيلة ديال الحوت وتجيبها زفـرة أو فيها الماء ديال الحوت مصلوق ، وهاذ والله غادي تكلي عليها صبيعات وبالصحــــــــــــــــــة

قلت الحبيبة أصناف ديال الحـــوت الأبيض ، راني درت خطأ وحذفت حرف التاء من الحوت

حتى انا عزيز عليا الطبخ ولكن ملي ماكتكونش راشقة ليا منقولش ليك
اوا الله يجيب ليك شى ولد الناس اختي اوا باقي الوقت على الخروج الله ياربي الله

وزيدك خذي ليك ربعة ديال الكبدة قطعيها ديري شوية زيت بلدية في المقلاة وزيدي عليها بصلة كبيرة مشلظة ، كمون بزار محح ، شوية قرفة ، والقزبور وحركي الكل وضعي شي غلاقة على المقلاة ونقصي العافية وخليها تطيب على خاطرها بلا ما تحمر بزاف البصلة لما تبرد عمري بها العجينة المورقة وجعلي منها شوسون ، مثلا قطعي دائرة من العجين بشي زلافة صغيرى وضعي فيها الحشوة ثم غلقيها للحصول على نصف دائرة وزوقيها بالموس ودهنيها بأصفر البيض والى كنت كتعرفي pate à choux عمري بهم الكبدة ، تيجو كهبلوا ، بلا كثرة الزيت

وعندكم يالنقــــــالات تنـقـلـو هاذ الشي راه نصيفط ليكم شي كوكوط ديال لحريرة بقا غليانة