تباركله عليكم الزينات كاع زيدونا شهيوات وانا نشاء الله غن جرب البريوات ولبات الشو حيت رالي تيحماق على الحوت وانا من هوات الطبخ زعمة زخا متندخلش الكوزينة غير الى كانت راشة لية ولا جاين عندي ضيوف ونتمى تاتعرفو السورين شحال فيهم ديال تبعكيك ماكدهم حد يلا الي تتعرف شي شهوة جديدة تكولها لينا وتكون ساهلة لالا عرموطة انا كان نتسناك عنداك تجي الشارقة ومتجيش عندي راني نتقلق عليك وفتيحة خلينا نشوفك زعما راحنا جيران واجي نصدع ليك راسك شوية بدراري البنات انا ترحب بيكم كاملين

فتيحه مسا الخير, اش خبارك ؟؟لاباس عليك ؟؟ كيداير مول الدار ؟؟ راني سولتك داك النهار ولاكن واقيلا نسيتي , قلت ليك رانا شفت واحد المغربيه لابسه جلابه مغربيه وماشطه شعرها الور مكشطاه كلو مسكين وكتكب الما فالطوموبيل ديالها فوسط داك الزحام لي كيكون مابين الشارقه ودبي , واش نتي هاديك ؟؟
وزايدون مالكي اختي على حالتك , مالكي على ديك الجلابه الكحله الباهته كي شي بوهاليه ,ايوا اختي ديها فراسك شويه , ومالكي على ديك الضفيره العوجه , ياختي باقا عاقلا على ايام السكويله ,نضفرو ونقولو ماضفرنا ونلبسو الطابليه :) ونتسنى صحاباتي يدوزو عليا باش نمشيو , تقولي غادين للحضور ماشي للمدرسه :) عاد نتيا المدرسه قبالة الباب ..كو را كنتي كتسناي تيضرب الجاراس عاد تخرجي من الدار .. راني عارفاك :)
ايوا اختي ماشي ضروري تلبخي على وجهك كثرة الماكياجات , ايوا شويش دالفوندونان وكحيله ومسكره وعنداك تمشي اتسوكي هههههههه كيعجبني السواك كنديرو ملي كنمشي للمغرب :)ايوا وغلوس وصافي
شوفي انشالله ملي انقرب نمشي لدبي غنسيفط ليك باش ناخد التلفون ديالك ونعطيك التلفون ديالي , ايوا كينجي , ندوز عندك ضروووووووري واخا نشم فيك غير ريحة سوق الغزل :)
ايوا هانتي يالكبيده ماتغبريش علينا , ومره مره خالف ايديك علينا يالدري يالغادي بعيد

السلام عليكم ورحمة الله وبركاته
تيارك الله على الغزالات والله إلا كاتونسوا وكاتحيدوا لي القنط
آش خباركم كاملين لاباس عليكم ورمضان مبارك علينا وعليكم والله يدخل علينا وعليكم بالصحة والعافية وحقق لكل وحدة ماتتمنى فيكم
المؤدبة لاباس عليك كيف دايرا
فتيحة سبرينغ, فلورروز
والأخوات الجداد عصفورة, رقية, جانا, habhouba, مغربية على سلامتكم كاملين معانا

اهلا روح ليمان , راكي هنا يالعفريته ,, ايوا كوراكي واحله مع التوجاد لرمضان ..الله يدخلو عليك وعلى كاع البنات وعلى الامه الاسلاميه بالصحه والسلامه

مغربية الله يعطيك الصحة علىالبريوات بالكرفيت غير بصح اضفت ليهم الشومبنيون الأسود اليابس والفيرمسل وطلعوا غزالين إوا إلا عندك شي حاجة اخرى ماتبخليش علينا وانت أفلور روز طلعي داكشي لعندك راني كنتسنى