أهلا أهلا بنورة ديال المنتدى أش كاتعودي وغير سكت البارح فاش تفارقنا اعطيتها لتحمار ديال الطحين
وخيت فيك ضحكتي علي منين قولت ليك ماكنعرفش نصاوب المكياج ومابغيتيش توريليا راني غاضبة عليك

لالا فلوغ غوز .. اش خبارك .. وكيبقا ليك وليدك , ياختي رديه البال مع دابا بدا يبرد الحال , والتقلب ديال الجو ,غي الله يستر وصافي
ايوا اختي سنحي ليا ملي مااحتفلتش معاك بعيد ميلاد , را ياختي النهار كامل ونا نجري بحال عويطه
ايوا بالصحه السواتش .. كنحماق على هاد الساعه , عندي معاها ذكرياااااات :)
ايوا يالله عيد ميلاد سعيد والعقبال الف سنه واخا جات معطله :)

سبرينغ اش خبارك يالكبيده , وكيدرتي معا شي سطاج ,, الله يكون فعوانك اختي , راكي ديما فالبال , واللاهيلا ديما كنتفكرك وكانبقا انشوف فالايميل ديالك عندي فالمسنجر وكنقولو : ايوا شفتك اخويا نتا ديما غي حمر وقتاش غتخضار , والله ماداها فيا باقي لدابا حمر :(

عصفوره ..نزلي من ديك الشجره خليني نداكر عاك شويه :)لاباس , مرحبا مرحبا مرحبا , انا كيعجبني فاش كنشوف المغربيات كيزيدو ويتجامعو هنايا , زعما حتى حنا ماسويهلاتش
اجي , جابك الله.. نتي لي كتستعملي ماك , بغيت نسولك على الكحل ديالهم..هداك الكريمي , حيت باغه نشريه وحايره .. واش زوين ولا لا , يعني يسوى ولا بحالو بحال لخرين .
ماقلتيش ليا ( هاهيا بدات :) ) انتي منين من المغرب وشحااااااال عندك من عام وخطيبك واش مغربي ولا منين ؟؟واشنو تتقراي وشحال ليك فدار الظبي :)

المؤدبه دائما , كيدرتي اختي لاباس عليك , الله يعطيك الصحه , واخا نتحمم تانعيا ماشي بحال لا دخلت البرما فالحمام دالمغرب وكمدت عضيماتي :) الدراري راهم بيخير يسول عليك الخير .. ياللد ديروا لينا الشهيوات باش انتسفادو منكم , انا اختك را زرق من البوطا كنعرف غي نتختخ ونحط اما باش نبقا نعوج فيديا على شي حلوا ولا على شي بريوات , واخا نولي انا بريوه مغربيه ماشي عرموطه مغربيه والله مانعرف منين انجيها ههههههههه
البنات انا راجاني النعاس وراه كلكم فالبال دابا غينفيق نكمش فالكيبورج ونهضر معاكم ماعندي لاين عليكم .
لالا شيتوس , فين غبرتي , راحنا توحشناك , ايوا اجي وماتنسايش تجيبي معاك بداز بالحوت لي واعدتني فيه , غير قلتي غانجيب ليك ومشيتي , لانتي لا بداز :)

اتشاو