اللى جربو التخدير النصفى

ياأختي اخذتها ثلاث مرات مره قيصري ومرتين طبيعي وبإذن الله راح اخذها بولادتي هذي لاألم ولا شي يبالغون نفس غزة الابره انا احبها لانها بتشيل الطلوق والالم والتعب راح تولدين وانتي مروقه واذا نصفي قيصري راح تشوفين البيبي وتسمعين صرخته وتعيشين الجو خذيها وتوكلي ع الله خليك من الناس اللي يهولون المواضيع وربي شي جميل واكتشافه نعمه من الله ربي يتمم لك بخير

وعليكم السلام ورحمة الله وبركاته

انا ولدت قبل اسبوع عمليه ببنج نصفي
وانصحك فيه تكونين صاحيه وتعيشين مشاعر الولاده وتسمعين بكاه وتشوفينه ويقربونه عندك ❤

ابرة الظهر اول شي يخدرون المنطقة الي بيدخلونها فيها
وتكون شكة ابرة عادية
بعدها يتخدر المكان ويركبون لك ابرة الظهر بدون ما تحسين بشي
ويتخدر جسمك من تحت
تصيرين تحسين مثل التطبيب على الجلد اذا مسكوا جسمك لكن الألم ما تحسين فيه نهائي

استخيري وتوكلي على الله واطلبي البنج النصفي
أفضل لك وللجنين
والله يسهل عليك

عادي حبيبتي خذي نصفي وبإذن الله ماتندمي
انا والله مرتين جربت العمليه بالنصفي والحمدلله شعور جميل لما يطلع النونو وتسمعين صوته وتشوفيه


نصيحه لاتفكري في غير النصفي واسألي كمان الدكتور راح يقول لك الافضل نصفي .. بعد العمليه مافيه كحه ومافيه بلغم

بأذن الله ناوية نصفي الله يتمم حملي وحملك ع خير ويرزقني يوسف

لأن انا قيصرتين بنج كامل متعب

انا اخذت نصفي بولادتي الثانيه وشفت كل شي
وتوني ولدت من يومين قيصري مره ثانيه بنج نصفي بس ماشفت شي مع ان الدكتورة تقول كنتي صاحيه وشفتي كل شي مع اني للحين ما اتذكر شي ولاشي قهر يمكن مع قوة البنج عانيت معاناه جاني طلق ع ٢ صانتي تعبني تعب ووقف ع ٤ وعيا يفتح وكنت ماخذه ابرة ظهر عشان تخفف علي بس ماعطتني مفعول لاني مسويه قيصريه قبل خمس سنين هذا كلام دكتورة التخدير وتعبت وتعب البيبي واضطريت اولد قيصري والحمدلله سهلها رب العالمين من عنده ويارب لك الحمد ع كل حال ونصيحه احسن شي النصفي احسن بواجد من الكامل والله يتمم لك ع خير يارب