اللى وده يسافر يروح مع ذا الشخص

مراااحب على احلى بنااات فى احلى عااالم

لطشت لطشه رهيبه تصلح لسفريات هالايام صراحه خووووش سفره

(( قردني الله )) وسافرت مع احد الزملاء "سابقا" لانها خربت العلاقة بعد ها السفرة.... الى دولة خليجية واللي هي " الامارات " اتفقنا بان نطلع من الرياض يوم السبت ابو الشباب طنش وجاء يوم الاحد ادور خوييي مو موجود اتصل ما يرد على اخر اليوم يطلع ويقول انا رحت اجدد الاستمارة ونقصني فلوس قلنا ما علينا ندبرها المهم بعدها قلت نمشي الصباح بدري عشان انا مواعد شخص في دبي في سيتي سنتر الساعة(11) ظهرا .
خوينا نام وما صحى الاالساعة( 5 ) العصر وانا انطنط بالشوارع من بيتنا على بيتهم واشايل شنطتي كل عيال الحارة عرفوا اني بسافر وهذا يوصلني لبيت خويي وهذا يرجعني الى حد الساعة (5) العصر انا بصراحه خربت معي قلت يالله مشينا على الاقل العوض ولا القطيعة وصلنا المحطة اللي قبل التفتيش على طريق الدمام ويطلع خوينا ناسي الجواز تحت المخدة من خوف امه تسحبه عليه بصراحه ما فهمتها انا انه زلابه ...
ونرجع ونأخذ الجواز ويالله وصلنا حدود قطر اوقبلها بعشرات الكليوات ونبنشر الساعة ( 3) فجرا ويالله فك واربط ونوقف في ساسكو " اسم محطة بنزين موجودة على ذاك الطريق "
وقال : خلنا نام
قلت : انا ما فيني نوم نام انت وانا اسوق الى دبي
قال : لا ((( السيارة سيارته يعني بسكت بالقوة ))) المهم ما لقينا غرف بالاستراحة ونمنا بالمسجد مع اعتى جبابرة الخطوط اخيس ناس مابين جميع الجنسيات الاسيوية والعربية انا من ضيقة الصدر نمت وهو ما نام اذن الفجر صلينا وطلعنا نصلح الكفر
* لاحظوا بكم صلحنا الكفرات فيه* 280 ريال
صلحناه ومشينا طلعنا من البطحاء الساعة ( 9) الصباح خويي من شين الطبايع وقفنا في استراحة بعد الحدود الاماراتية وافطرنا الاخ عندة حركة جديدة يمضغ الاكل ربع ساعة وبعدين يبلع انا قفلت معي وقلت الله على التذكرة اللي ما تخليني اشوف ها لاشكال المهم مشينا وانا سوق انا ما طلعت الامارات قبل كذا مع الطريق البري البنزين على النص يعني نص تانكي البنزين فقط يالله امشي وابونوره يشتغل (( جيتني مرحبا بك بعد طولت غيابك)) وانا اتمتم واغني وخويي نايم بجنبي المهم
قلت: بعد ما اشتغلت اللمبة حق البنزين كم باقي على اقرب محطة انا قلت والا ما قلت وخويي يفز تقول مقروص لا ... ليه ... وما تدري ان ما فيه محطة الا قبل ابوظبي بكم كيلو
قلت :وانا ايش يدريني انا اول مره اروح
قال : وقف وقف
قلت : اصبر وينزلني ويسوق
قال: برجع للدوريات اسألهم كم باقي على المحطات .
ابو الشباب رجع ودخل بين الطريقين الرايح والجاي وفيه تراب ونغرز والسيارة دفع امامي يعني اقعد بها
يا بو .......؟ الساعة (12) ظهرا والوقت صيف ونجلس ساعة ما فيه احد ما اشرنا له ولا عبرونا و بعد جهد جهيد وقفوا لنا شباب من القصيم والله يجزاهم خير بكل وقت ويطلعوننا واركب واقوله كل تبن واسكت وجيب القطه عشان نعرف كم فلوسنا ونمشي ويطلع لي القطه توقعاتكم كم ؟؟؟؟؟؟؟؟؟؟
120 ريال + 280 ريال حق الكفرات يعني =400 ريال !!!!!!!!!!!!!! ولا تكفي مليون علامة تعجب
الا ما فيه علامة ................. ما نيب قايل
وانا ولله الحمد معي مبلغ محترم يبيض الوجه قلت والله ما دام انا وصلنا هنا والله نقعد بس الدعوة 50/50 النص بالنص قال صار ما يهمك وندخل الاسواق ونتمشى ونتسوق ونشري هدايا والرجال بدع في الهدايا حتى جدته اشترى لها على حسابي اختصر النهاية اني رجعت للرياض والرجال الان ما يعبرني ولا شفته ولا رجع فلوسي ولا اي حاجة

هذي هي السفرة البايخة وصدق اللي قال ما تعرف صديقك الا في سفر



تحياتى لكم

وباااااااى مصرقعاااااات عسوووووولات


بكل فخر ملطوووووووووووووش :32: