اللي اطفالها عندهم ربو أو حساسية صدر تدخل.

ســـــلام يا حلوات..
طبعا الكل يعرف ان أغلب الأطفال عندهم حساسية صدر أو ربو..
كل وحده تقول لنا كيف تتغلب على الأزمه اذا اصابت طفلها ,بأيش نصحها الطبيب: هل بالبخاخات أو بالبخار؟
أبدأ بنفسي ولدي عمره سنتين وشوي وعنده ربو من يوم كان عمره 4 شهور :06:
المهم مابقى شراب(دواء) ما استخدمته له للاضافه طبعا الى البخاخات او البخار.
طبعا الأدويه اكتشفت انه نتيجتها مؤقته ولاتفيد افاده تذكر.
رحت به لأغلب مستشفيات الرياض وفي الاونه الاخيره رحت به لثلاثة استشاريين معروفين وخلاصة كلامهم:
ثلاثتهم بالاجماع لايؤيدون استخدام اي نوع من انواع الشرابات سواء مهدئ للكحه او طارد للبلغم لأن هذه الانواع مخصصه لكحة الانفلونزا او التهاب الحلق وليس لحساسية الصدر فضررها اكثر من نفعها.
وان الكحه شي ايجابي في حساسية الصدر لأنها تطرد البلغم والحل الامثل اننا نترك الطفل يكح لحد ما يطلع البلغم من نفسه وبعدها الكحة راح تختفي تلقائي حتى لو طالت المده(ممكن توصل اسبوعين او اكثر) طبعا بالاضافه لستخدام البخاخات او البخار في هذي الفتره.
اثنين من هالأطباء ما أيدو البخار وفضلوا البخاخات، لأن البخار صعب الاستخدام ويتطلب من الطفل انه ما يتحرك اثناء جلسة البخار اضافة الى انه يحتاج لوقت من ربع الى ثلث ساعه ويسبب للغالبيه رعشة وخفقان.
الطبيب الثالث ايد البخار بحكم ان معه اكسجين ويساعد على التنفس.
وطبعا كلاهما (البخاخ والبخار) يعطون نفس النتيجه.
،خلاصة تجربتي: انا افضل البخاخات، لأنها اسهل استخدام وحرمت استخدم اي ادويه لأن فايدتها مؤقته جدا وضررها اكبر واحاول قدر المستطاع ان اجنب طفلي جميع مثيرات الكحه.
ومع ذلك من يوم يدخل الشتاء الى ان ينتهي واحنا على البخاخات مانقطعها ابد لأن للأسف حساسية طفلي شدديدة.
فيه ناس تقول ان دهن ارجل الطفل بالفيكس مع لبس جوارب قبل النوم يهدئ السعال،لكن انا مافادت ابدا مع طفلي، وسمعت ايضا ان شرب الماء الدافئ قبل النوم يهدئ الكحه.
ياليت كل وحده تدخل تفيدنا بتجربتها.