الله يعيني ويعيين الجميع من جد مسؤليه

بالنظام والتنظيف اول باول بتلحقين وبعد لالالالالازم تعودين اطفالك على النظام وكل شي يحوسونه يرتبونه هم ولا يتعاقبون ..انا عني ولدي غرفته هو يرتبها بس التنظيف علي ..مسح وتنظيف اما الترتيب عليه..ماقول اني كامله ودايم ملحقه بس الحمدلله على كل حال

انا احكيكي حكايتي انا ام لتلاته بنات ربي يخليهم ويحفظهم الكبيره اولى ابتدائي والوسطانية روضه والصغيره 8شهور ....طبعا كان يا مكان عندي شغاله وسافرت الشغالة وبيتي خمس غرف كبيره بصاله كبيره و3حمامات اخ اخ اخ المهم انا انسانه مريضه والله مريضه اتحسس من الوساخه ومهلوكه تخيلي انا وزني بعد الولاده مو راضي ينزل وبس سافرت الشغاله ونزل وزني من الكرف الفظيع اللي بانكرفو الناس اللي يعرفوني اتصلوا عليا بعد ماسافرت الشغاله يقولولي كيف هدبري نفسك لانهم يعرفوا جناني قلت اشد همتي واتكل على خالقي وربي يعييني واضع امامي حاجة وحده الاجر ثم الاجر ثم الاجر اصحى مع بناتي 6الصباح البسهم وافطرهم واودعهم في حفظ الرحمن ارتب صالتي مكان جلستنا وارتب غرفتهم فقط ترتيب وارتب الغرف المكركبه من لعب البنات وغيرها وارجع انام اصحى واشد همتي الساعه 10ونص واقوم اغير لبنتي الصغيره واحممها وااكلها وهيه ترجع تنام من لحالها واروح ارتب غرفتي وادخل على المطبخ اطلع اللي ابغى اساويه للغدا واشغل المكنسه ونزور غرفه غرفة في البيت ونكنسها واروح انظف الحمامات والمدخل وامسح البيت تسير الساعة 12الظهر يجوووو بناتي البسهم واغديهم نقطة مهمه اغديهم على طول واخليهم ينامووو تقريبا الساعة 1 ونص الظهر واروح اطبخ غداي وتسير الساعة 3العصر نتغدى انا وابوهم وادخل المطبخ انظفو بعد الغدا بعدين تسير الساعة 4العصر اصحيهم واقعد اذاكرلهم الين المغرب يصحى الوالد العزيز اجهز القهوة واكمل دراسة بنتي الكبيره واقفلها شنطتها هيا واختها واخليهم يلعبو زي مايبغو وانا اكوي او اغسل الين الساعة 10غالبا يكون عندي كوي لاني اغسل فترة الصباح اعشي البنات وانومهم على الساعة 10ونص بالكتير هادا بالنسبة للايام المدرسيه يوم الثلاثاء يكون عندي غدا قبلها بيوم عشان تنظيف الصوالين وغرفة الطعام ويوم الربوع عند اهل جوزي ويوم الخميس عند اهلي وما اخرج بناتي الا متحمممين ومرتبين ولا عساني ما خرجت وشكرا

انا احسها صعبه

ما شاء الله عليك اختي الوحيده من جد تعويد الاطفال على النظافة من الصغر مهم بس المشكلة ان اولادي الان ماشاء الله كبروا وما تعودوا على كده كانت عندي شغالة وتعبت مني قادره عليهم ايش اسوي انصحوني