أروري :

وهذه عوده يا ايام مثل ما وعدتك اول شي بقولك بالنسبه للشعر هو مثل الشجره بالعنايه يزيد ويكثر وبالاهمال اكيد يتساقط يعني اذا تحبي تعتني فيه اقل شي زيتيه يوم ويوم لا واذا تحبي زيت ينعم الشعر فهو (( زيت نارجيل باراشوت + كاسه عافيه + زيت دابر اللي ريحته حلوه مو اللي مسود + خمس ملاعق نوى تمر مطحون + قشر موزتين + كاسه زيت خروع + كاسه زيت لوز ) هذا طريقته تحطي كاسة الزيت العافيه في قدر على النار وتحطي معاه قشر الموزتين لمدة دقايق الين تذبل القشر يعني كلها اربع دقايق كفايه وبعدها شيليه من على النار وحطي باقي المكونات فوقه وغطيه اربعه ايام وبعد اربعه ايام حطي الخلطه في الخلاط اخلطيهم وبعدها عبيها في قوارير عندك وابداي استخدميهم الزيت تحطيه 3 ساعات كافيه وبصراحه الزيت هذا مره حلو ومناسبني وريحته حلوه اما لو تبغي شي يوقف التساااقط فهي الحنه انا جربتها سنه لدرجه ان شعري في الحمام الله يكرمك ما صار ينزل الا شعره او شعرتين اذا ما توفرتعندك المقادير هذه حبيبتي تقدري تستخدمي زيت واااحد بس اللي يتوفر عندك وحبذا لو تخلطي معاه بيضه وزبادي وعسل وان شاااء الله شعرك بعدها حيتغير للاحسن وكمان المايونيز حلو تقدري يوم في الاسبوع تحطي ما يونيز مع زيت تخلطيه وليمون ولو تحبي عسل وقبل ما اقفل على موضوع الشعر الفاشكول خصوصا اللي بالعسل والحليب يشيل ريحة كل البلاوي اللي تحطيها في شعرك ونجي لجسمك اسهل طريقه اسبوعيا قبل الحمام اخلطي فنجان سكر مع فنجان زيت وافركي جسمك كله يعطي نعووومه روووعه وبعد الحمام انا خلطت في علبة بخاخ نصها خل تفاح والنص الثاني موية ورد وعصير ليمونتين وبعد كل مره تتحممي فيها بخي على جسمك كله اخذته من وحده تقول ان بنت خالاتها صارت تلق من هالطريقه وكمان راحت منها الخطوط البيضه بس للأمانه البنت لها سبعه شهور على الطريقه هذه مو النتايج طلعت بعد سبعه لا بس انها مواصله عليها ما شاء الله واخيرا للجسم خلطه روووعه للنعومه وانا احطها ليدي ورجلي والركب وصدري بعد الحمام وهي كوب موية ورد ونص كوب بودرة جونسون بيبي ونص كوب زيت زيتون اخلطيهم وحطيهم في الثلاجه واستخدميهم بعد البخاخ اللي عملتيه بس للاماكن اللي قلتلك عليها والاماكن الغااااااااااااامقه في جسمك لا تنسيها بقي شي اخير وهو الوجه الوجه وهو اهم شي عندنا ابدئي حبيبتي باسكينول يوميا صباحا ومساءا واخلطي عسل مع حبة البركة ( او حبة السوده ) مطحونه تكون اخلطيهم وكل يوم حطي منهم على جهك مع التفريك وخليهم قد ما تحبي 10 دقايق او اكثر بعد ما تغسلي تكوني محضره مره منقوعه في مويه وتمسحي بها وجهك أخيرا وسبب نضارة الوجه .. حطي كل يوم عليه قناع زبادي ( وممكن زبادي مع ليمون ) الين ينشف وكل هذه الوصفات مجربه واخذتها من المنتديات ويارب تصيري مثل ما تتمني واحسن وارجع اقولهم مافي شي يجي بسهوله اهتمي وخلي عندك صبر وبتوصلي للي تتمنيه وذحين ما ابغى منك غير دعوة في ظهر الغيب ان الله يحققلي ما اتمنى واللي تستفيد من البنات تدعيلي

وهذه عوده يا ايام مثل ما وعدتك اول شي بقولك بالنسبه للشعر هو مثل الشجره بالعنايه يزيد ويكثر...