شامه :

هلا وغلا يا (عطيتك أغلى ماعندي) الموية تمام تمام ماتنقطع ولله الحمد الستاير معليه مركبين للمجالس عادي اما المناظر اللي كانت ممنوع وضعها لتخريم الجدار قبل سنتين سكنوا جيران جنبي اللي يشوف بابهم يفكره باب ثاني لشقتنا المهم من اول ما جوا الدش حطوه تحت الدرج صوت الاغاني عالي احيانا وانا خارجه للمدرسه اتفشل مع عمي اللي يوديني لانه الصوت كأنه في بيتنا غير كذا عندها اولاد شباب كبار صايعين ودشر يجمعون عيال الحاره اللي كانوا ساكنين فيها قدام باب العماره ومرتين سيارتنا لقينها مفتوحه والاوراق مطششه من الدرج عرفنا انه ماغيرهم هذولا السرابيت اللي عيونهم طوال يجون اخر الليل بس الشي اللي يعجبني فيهم انه وقت صلاة الفجر اسمع بابهم يفتح ويروحون للصلاة الام ماعندها الا 3 بنات وحده متزوجه لكنها الان عند اهلها هي وولدها والثانيه تاركه المدرسة والثالثه ثاني ابتدائي اول ما سكنوا زوجي كرهني في العماره جلس يدور يدور يدور في عماير قريبه من مدرسته من اجل ان ننفك من هؤلاء الجيرة لكن الحمد لله اني ما نقلت قريبه على مدرسة زوجي الموية ماتنقطع العمارة نوع ما هدوء الا جيراننا قريبه من حارة اهل زوجي وقرايبنا وفي شارع مليئ بالخدمات ولله الحمد

هلا وغلا يا (عطيتك أغلى ماعندي) الموية تمام تمام ماتنقطع ولله الحمد الستاير معليه مركبين ...

غيم2000 :

السلام عليكم يابنات بلدي وخواتي بالاسلام .. صدقوني مايهمكم يهمني ومايؤلمكم يؤلمني ...انا اسكن في الاسكان تبع عمل زوجي ولله الحمد يارب مرتاحين اخر راحه اللهم اننا نشكو البعد شوي عن الرياض او مايسمى وسط الرياض .. والحمدلله اولادي مبسوطين بمدارسهم الخاصه بمجال العمل تبع زوجي ....ولكن يااخواتي بالفعل اللي ماهو ملكه مايرتاح .. صح اني اغير واضرب بويات واغير كنبات واسوي واسوي هوايل الا انه بالاخير البيت ليس ملكنا الا في حدود وقت عمل زوجي ....يعني لاقدر الله اذا تقاعد زوجي يوما من الايام راح نقول للسكن في الباباي ...المهم ...يعني لازم بيت ملك اما شراء فله جاهزه والا نشتري ارض ونبني ,,,, فكرنا انا وزوجي ان ندور عن بيت ملك لنا ونضمن مستقبلنا ومستقبل عيالنا ,,,, الصراحه سوينا لفه على جميع مكاتب الرياض وسالنا يمين وشمال وتفرجنا والله الحمدلله يارب اننا في نعمه وخير...واستنجت خبره وشفت اللي ماقد شفته ولاكنت ادري انه في كذا فلل بهذه السهوله وبهذا الجمال والذووووق ... الصراحه اذا شفتها ورجعت البيت مانام بس احلم فيها ,,, حتى عيالي انهبلوا وكل واحد ياعيني يقول لي غرفه نوم لوحدي ,,,:) بالنسبه للي ساكنين بالرياض ,,,,, انا وجدت في شمال الرياض بحي المرسلات فلل تبع السعيدان والله تهبل في بالتقسيط وبالكااااش بحدود 600 الى المليون لكن فلل ولا بالاحلام ,,,, حلوة ورهيبه ومساحاتها تتراوح مابين 350 الى 600 وفي احياء راقيه ... عندكم خلف اسواق الهرم اللي بالدائري وراء بالتمام مجموعة فلل للبيع تترواح اسعارها 550 الف روعه بالتفصيل ...وفي بالتقسيط عن طريق البنك طبعا ,,,,شفتها واعجبتني وميحه وشرحه جدا ,,,, يعني اللي زوجها راتبه اكثر من 10 الاف ريال وماعليه ديون ولا حقوق بنكيه ,,, على طول بدون تاخير روحو وتوكلوا على الله خذوا فلل وبالتقسيط المريح .... اغلبها دبلكسات لكن روعه ,,, انا شفت بعيني مااحد قالي والله انهبلت .. .كل الفلل نظامها واحد ولكن يختلف في التفصيل شوي وبالخامات طبعا وعلى حسب الحي ... دائما تفصيلها كذاااااا تحت مجلس رجال ومقلط وحمام وصاله معيشه بمطبخ ومجلس نساء مع حمام اخر والطابق الثاني تترواح غرف النوم من 4 الى 5 او احيانا 6 غرف نوم ولكل غرفه نوم حمام خاص ..ويوجد سريفس مثل المطبخ الصغير وبصاله وابدااااع والله ابدااااااااع وفوق الملحق غرفتين للشغاله وللخزين او للضيوف مع حمام وغرفة غسيل ,,,, ((( لكن عاد شوفوا الخامااات شيء والله شيءء ايش ابواب وايش سقوف وحمامات تجنن ماودك تتطلعي منها هههههههههه شوفي الرخام والسيراميك وطريقة التفصيييل روعه وقليل فيها كلمة روعه ,,,)))) والله يابنات انهبلت عندها وكل فله تقول للثانيه قومي وانا اقعد مكانك من جمال تصميمها وخاماتها وطريقة تفصيلها ,,, ولقينا بالمحمديه فلل بالهبل ..... تلاقونها فلل معروووضه للبيع وفاتحين ابوابها للفرجه والفرجه بلااااش :) وحي النخيل وحي المروج والنهضه والروضه وبكل مكان تجدون مايسركم بس سوا جوله سريعه مع اتصال لاحد تلك المكاتب السعيدان والا شركة المهدي والاالمطلق.. .واليحيى ..... هناك عروض من ال مهدي بشمال الرياض فيلا بحي التعاون مساحتها390م خمس غرف نوم مع ملاحق علويه الدفعه الاولى 100 الف والقسط الشهري سته الاف ومئه وخمسه وعشرين ريال 6،125 فيلا بحي السليمانيه مساحتها 300 متر رمز الفيلا 506 ارضيات رخام ومسبح وحدائق الدفعه الاولى 250 الف ريال والقسط الشهري سته الاف و300 ريال فيلا بحي النخيل مساحتها 420 ريال رمز الفيلا 2/661 الواجهه حجر اربعه اجنحه نوم والارضيات رخام الواح وجاكوزي دفعة اولى 400 الف والقسط الشهري سته الاف ريال و320 ريال وهناك المزيد والمزيد من العروض المغريه بصراحه وماعليكم الا الذهاب والفرجه والاتصال على هذا الرقم 4304444 ال مهدي ... هناك فلل بشرق الرياض وجنوب الرياض بنفس المواصفات واجمل وارخص .... المشكله انه ماعندي ارقام المكاتب الثانيه لكن اتصلوا على 905 واسالوهم ,,, لاننا كنا ندور واذا لقينا فله ومكتوب عليها رقم الجوال والمكتب سجله زوجي بجواله وكلمه وماعاد احفظه عندي ... لكن والله يااخواتي الكريمات لو تاخذوا جوله يوميا على تلك الاحياء راح تجدوا فلل عارضينها للبيع وفاتحينها للفرجه ....انا اقلو الحقوا قبل ماتخلص هذه العروض الراااائعه ,,,, بالنسبه لنا والله بكيت دم ماقدرنا نشتري لانهم مايقبلوا الا عن طريق البنك ولازم يكون مصفي حقوقه وزوجي له ارتبطات بنكيه سياره وشغلات ثانيه ,,,, فقلنا ماعندنا الا ارض ونبني على مهلنا ,,,,او اذا جاء مكسب على الارض نزود عليها منا ومنا ونشتري فله جاهزه اسهل واحسن ,,, في حي المرسلات لقينا فله ب700 الف انجنيت عندها روووعه ...هى صغيره صح بس حلوة تكفي للعائله الصغيره .. وهذا رقمه 2254444 وهذا جوال ...0504174348 سعيدان وبسسسسسسسس وفي حي التخصصي تلاقون بس اسالوا اقرب مكتب ويدلوكم والا خشوا بالاحياء وخذوا لفه سريعه راح تجدوا فلل عندها عمال قاعدين وفاتحينها للعرض ... ادخلوا وشوفوا وانهبلوا مثل ماانا انهبلت ههههههههههههه..... وباذن الله راح اسال انا كمان واسجل لكم ارقام وارد منكم ,,,, وعلى فكره يابنات بجرايد الرياض تلاقون بالصفحه قبل الاخيره دائما يطلعوا عروووض فلل للبيع بالتقسيط وبالكااااش ... اللي عندها قدرة ماليه وتقدر... اوزوجها يقدر والله انصحكم لاتتاخروا ماراح تندموا ,,,, وتقولوا غيم قالت .. ادعوا لي ,,,,واي خدمه انا حاااضره .. يارب اكون قدرت اخدمكم ... اختي اعطيتك اغلى ماعندي ... بالنسبه ياغاليتي تبوك ... والله مابعرف ...ولكن اذا تقدروا تشتروا ارض وتبنوا يكون افضل لك ...وعندي لك موقع لتصاميم فلل روعه .. اتصلوا على المكاتب عندكم بتبوك واسالي اذا في فلل بالتقسيط وتكون رائعه بكل شيء ... والله يوفقك وتلاقون بيت ملك ... او اشتروا بيت مستعمل نظيف ورمميه وضبطيه وبيطلع حلووووان شاء الله ,, لكن اللي يسال مايتوهش....:) اتصلي على السعيدان وقولي انا في تبوك وابغى فلل بالتقسيط بتبوك وشوفي يمكن عندهم عرض هناك ...وبالتوفيق .وياريت اقدر اخدمك اكثر من كذا ...اي سؤال حاااضر... مع التحيه للجميع ...

السلام عليكم يابنات بلدي وخواتي بالاسلام .. صدقوني مايهمكم يهمني ومايؤلمكم يؤلمني ...انا اسكن في...