اللي تأيد ربط البطن بعد الولادة واللي ماتأيد تدخل تفيد وتذكر تجربتها وطريقتها

هالموضوع شاغلني من كثر اللخبطة اللي صارت فيه والهرج والمرج
عشان كذا حبيت اشوف تجارب البنات وطرقهم
اهم شي الطريقة للي استفادو
رح ابدا بنفسي انا ربطت بطني بعد ولادتي باسبوع بمشد اندنوسي بس قماشه مو حلو خشن والله كنت احس انه فيه شي بينزل من تحت وانتو بكرامة وما استمريت عليه اكثر من عشرة ايام غير كذا كان يضايقني وقت النوم
وماكان يستقر بمكانه بالرغم اني اشده وكما ن علم بجسمي
صراحة كرهت الربط وطبعا الكرشة لاتسألوني عنها ماخليت رياضة ماسويتها مافيه فايدة
صديقتي تقول غلط انك تربطين بقوة اربطي ربط خفيف بس عشان ترجعين بطنك مايترهل بس مو ذاك الشد
والكتب العلمية وكتب الرياضة يقولون ان الشد يسبب ترهل بالعضلات
اتمنى من كل وحدة تذكر تجربتها مع الربط سواء استفادت او لا واللي عندها طريقة حلوة للربط وغير مزعجة تذكرها
وجزيتم خيرا