شلونكم إن شاءالله بخير
موضوعي اليوم عن لمعة الوجه
واجد اللي يسألون عنها و حبيت أحط موضوع كامل عنها ما أبي أكتب رد و ما احد يشوفه
قلت بأحطه في موضوع كامل عشان تستفيدون
الموضوع مجهود شخصي و بأحط لكم اللي جربته شخصياً واللي حابة تشوف موضوع مكياجي هذا الرابط
http://forum.hawaaworld.com/showthread.php?t=2212496
فيه كل شيء من أدوات مكياجي مع الشرح
نبدأ
أول شيء لمعة بورجوا هي بالأساس بلشر كريمي بس أنا أستخدمه لمعة لونها برونز خفيف
روووووووووووعة ومظهرها طبيعي بس للأسف هي ليمتد ما أدري اذا موجودة الحين أو لا
بنات الكويت اللي تلقاها تقول لي ويييييين؟؟؟؟ عندي ثنتين بس من حلاتها بأسوي مخزون كامل منها
المهم هذي صورتها
صورة أوضح
تمسحين باصبعج منها و حطيها على الوجنات و شوفي اللمعة الحلوة كأنها طبيعية تعطي wet look
نصيييييييييييييييييييييييييييييحة:
إذا لقيتيها اخذي اكثر من وحدة والله إنها تجنن بروحها
وهذي صورته من موضوعي مال المكياج
أما إذا تبين تبدعين حطي فوقها لمعة الماي من ماك
هذي صورتها
لاااااااا تكثرين منها بيطلع شكلها بايخ
اخذي نقييييطة لاحظي مو نقطة نقيطة وطبطبي على خدج مو مسح طبطبة
واذا حبيتي تزيدين عليها اوكي زيدي شوي بس مو واجد عشان ما تدبق تنحط آخر شيء بعد الكريم و البودرة
ممكن بروحها إذا تبين لمعة شفافة أو فوق لمعة بروجوا تعطي لوك أحلى بواجد حلوة للمناسبات العادية
أو اللي ماتحب الأوفر في الأعراس تطبقها
إذا كنتي رايحة مكان ولابسة نقاب راح تنمسح فالأفضل تحطينها في المكان اللي بتروحين له
ما تاخذ وقت
أما لتحت الحاجب
شدو ذهبي من لوريال
رووووووووووووووووعة ولمعته ذررررربة مو اوفر
هذي صورته
هو اللي فوق
و اذا بتحطينه على الخدود كلمعة هم حلو
وهذي صورة أوضح من موضوع مكياجي ( وحدة مو مصدقة عندها موضوع ماعليه تحملوها )
و تحت الحاجب بعد شدو من بوبا
عجييييييييييييب و لمعته مو اوفر لا طبيعية حيل بس حلوووووووة
المحروس رقمه 5 بالصورة و بعد تقدرين تحطينه على الخدود
وهذي صورة اوضح من موضوعي وهم مفتوح
هو ثاني واحد تحت البيجمت البنفسجي عاليمين
تعببببببببببببببببببت والله
الحين لمعة العراس وهي وحدة ما في غيرها
من ميك اب فور ايفر ستار بودر
حلوة للمناسبات الكبيرة لأن لمعتها قوي شوي
أحلى لونين للاضاءة السلفر و الذهبي مو الأصفر انتبهوا لا يقصون عليكم
لونها بالعلبة صدفي و تميل للذهبي شوي اعتقد رقمها 902 مو متأكدة حيل
صورتها فوق مع شدو لوريال الذهبي
و الفضية أو السلفر من نفس الماركة
وبس خلصنا
و اي سؤال انا حااااااااااااااااضرة و اللي عندها اضافات بس شرط تكون مجربتها
تسطرها بالموضوع
واللي تلقى لمعة بروجوا تكفووووووووووووووون قولوا لي وين
ابيييييييييييييييييييييييها ضروري
