وش صااار عليك مع القهوة وزوجك المتشرط :)

شوفي ياعسل القهوه لازم تغلى على النار اقل شي ربع ساعه على نار واطيه

وهاذي طريقتي 5ملاعق مليانه بن والمويه ربع البكرج وتخلينها تغلي بعد 10 دقايق زيدي مويه للنص وخليها تغلي

وبعدين اضيفي ملعقه ونص هيل وملعقه مليانه بهارات القصيم وخليها تغلي شوي ثم زيدي المويه لفم البكرج وخليها تغلي

لمدة عشر دقايق وان شاء الله تجربينها وتدعين لي وهذي صورت القهوه عشان تتحمسين

اهلين حبيبتي انا زيك بالضبط اول ماتزوجت كان يقولي قهوتك حلوه ويحبها بعدين قام يقولي ليش تغيرت مو حلوه ولاهي مثل قهوه الناس
وش فيه غيرت بانواع القهوه كلها وغيرت الهيل وحطيت خلطات اقصيم وغيرها وحطيت زعفران ماش القهوه مو حلوه
بعدين شكيت لخالتي امه قالت شوفي لقمتك يابنتي<<<اللي نطبخ فيها القهوه
يمكن ستيل تراها ماتصلح تفوحين فيها الماء تراها تغير الطعم احسن شي معدن
والله طلعت منها على طول للهزازي وشريت معدن وسويت فيها نفس قهوتي القديم قالي ايه هذا ا القهوه السنعه
تخيلي وانا تعبت ماخليت شي ماجربته وش اظفر ذا ماينحط بالقهوه ابد يمكن قصده شيبه

الا فيه شيء اسمة الاظفر ينحط مع القهوة عند بعض المناطق عندنا الله يسخره لك

السلام عليكم ورحمة الله وبركاته
انا اول مرة ولكن الاني من مدمنيين القهوة اقول لكم طريقة قهوتنا
نضع فنجالين قهوةثم شوي قرنفل وشوي نانخة وعود قرفة صغير مرة يعني في اطراف اصابعك ثم نضيف الماء ويكون فوق الخط الموجود في البكرج الكبير يغلي المدة ربع ساعة ثم نشوف لون القهوة هي ثقيل او خفيفة وطبعاًً تكون متوسطة لونها
فيثلاجة القهوة نضع الهيل ويكون مطحون فيه زعفران وشوي جوزة الطيب ثم صبي القهوة عليها وتهني في احلى قهوة وشكراً