ما عليك من الناس ولا من كلامهم ما سويتي شيء حرام و لا عيب
و دام طليقك موافق تتزوجين و عيالك يضلون معاك فهذا من صالح
اذا الرجال كويس و فيه خير لك استخيري و توكلي ع الله

ان شاء الله جايلك الخير والسعادة
تفائلي واقتربي لله سبحانه .. وخلي طلاقك درس انه القرب والعلاقة الحقيقية هي مع الله سبحانه
وبالنسبه للمتقدم استخيري دايما
الله يسعدني واهلي ويسعدك والمسلمين بالدارين ويرزقنا ويوفقنا ويكتب لنا كل خير وصل اللهم وسلم على حبيبك محمد وآله عدد الحركات والسكون الى يوم القيامة

استخيري وطلاقك لارجعه ...يعني لاتفكرين بالماضي وطليقك موافق ان عيالك معك علشان يتزوج ولامافيه رجال يقبل اذا الرجال كويس خلي عيالك اسبوع عندك واسبوع عنده موهو طلق ولافكر يبيك تحملين لاحبيبتي خليه يعرف انه بيذوق نفسك مو يتزوج وحده ويعيش كانه عزابي

.
.
اليوم كل المواضيع عن المطلقات وعن تزوجيهن وانه فيهن امراض نفسيه
سبحان الله يحرجون عليها و يحطون ذي المواضيع
كذا مره قلت كل وحده مطلقه هي سليمة العقل والجسد للاسف والشائعات اللي تروج عنها كذب
في مجتمع معاق فكريا وعقليا مهما كانت جوهره المطلقه تظل بنظر من يحتقرها
سلعه تباع وتشترى
ماعندي الا هذا الرد اللي يمثلني لاني مطلقه وام اطفال ولاهو عيب ولاحرام واستحاله ابيع نفسي
لرجل اخر بمسمى صفقة زواج الهدف منها استعباد وتشتيت لي ولعيالي
وكذب اللي يصدق انه بيقبل الزوج بعيال طليقته من رجال ثاني الواقع يقول العكس

الله يجبر بقلبك ويعوضك خير
الله يهديك لو قدمتي اجازة افضل
الاستقلال المادي يريح الوحده ويخليها قوية
اذا عندك خبره حلوه سوق العمل يطلب خبرات
دوري وضيفة وعيشي حياتك
واذا نفسيتك تعبانه لاتخلين الإكتئاب يسير عليك
روحي لطبيب نفسي وتعالجي
ترا الحياه مرة وحده لاتهلكين عمرك عشان ناس ماتسوى
انتي ماسويتي منكر
ومايمنع انك ترتبطين من جديد بس ادرسي الرجال عدل ومايمنع تخلين فترة بعد الملكه وخليك مفتحه وذكية
ما احد له عندك شي تتزوجين مره او اثنين او ثلاث شرع الله ماسويتي منكر
وكل الي يتكلمون لو يحصل لهم ماقالوا لا
وتأكدي اذا الرجال كويس بينسيك الاول وبتضحكين على نفسك وبتتحسفين على ايامك معاه
فوضي امرك لربك وتوكلي عليه وامشي لقدام لاتجلسين تدورين على عمرك بنفس المكان
الدنيا كلها ايام وبنتركها وبعدها ان شاء الله ربي يرحمنا ويجعلنا من اهل الجنة
ليش تغثين عمرك وتهلكين حالك على دنيا فانية وناس مابتنفعك