ماشاء لله تبارك الرحمن الله يحمي كل وحده متزوجه ويخلي لها زوجها وعيالها

وتعيش بساااعده تر الزواج حلو احس بعمر 19 وفوق والله نعمه ماتحسون فيها

انا الحين عمري 23 سنه وللحين محد دق الباب وانا اتمنا واحلم اكون ام احب الاطفال كثييييير

واشتااق اصير ام بس للحين ماجا النصيب

الله يوفقكم ويسر امركم ماحبيت اطلع غير مااعلق

انا تزوجت وعمرى 18 سنه كنت تونى متخرجه من الثانويه .. سنى كان مناسب للزواج وكنت بصراحه ابى احس بالحريه فى بالى ان الزواج حريه ومافيه مسئوليات ابد بس انصدمت بالحقيقه وغلطتى انى تزوجت شخص يكبرنى 40 سنه .. بعد هذى غلطه .. بس الحمدالله تزوجت وتوظفت وجبت عيال وبنيت نفسى وبناتى الحين اكثر من صديقاتى ومابى من الدنيا الا الستر والعافيه .. بس اقول لبناتى ماراح ازوجكم الا واعماركم فى العشرين ..

لولا اهلي ما تزوجت بسن مبكر
الله المستعان بس

سبحان الله كأنك تكلمين عني انامثلك تزوجت وعمري ثمان طعش وجبت بنتين
ذاك الوقت تندمت كثير خاصه لين شفت خواتي وبنات عمي في الأجتماعات اقول يابختهم ماتحملو مسؤليه
خاصه إذا كان الزوج بعد قاسي ولا يراعيك بس راحت الدنيا وجاني بعد البنوتات اولاد وإكتشفت إن ناس كثير تحسدك على الزواج المبكر
الحمد لله على كل حال

انا تزوجت وعمري 17 سنه والحين لي7 سنوات عندي ولد وبنت الله يحفظهم اول ماتزوجت عانيت من اهل زوجي كثيرلاني ساكنه جنبهم يتلقفون في كل شي متى اخرج ومتى ارجع ومين يجي عندي وان ماطبخت يقولون مايشمون ريحة طبخ وان ارسلت امي شغالتها تساعدني يزعلون واشياء كثيره وزوجي انسان سلبي ودايما يقارني بامه واخواته الكبار واصغر وحده باخواته اكبر مني ب10 سنوات وحاطينها ضعيفة وصغيره وماتعرف شي وانا اكبر منها واتحملت مسؤوليه اكبر مني وهواكثر شي ندمت عليه من زواجي المبكروالحمدلله كملت الثانويه منازل واتخرجت وبقدم بالجامعه واكمل دراستي وانا الحين تعاملي مع اهل زوجي رسمي بما يرضي الله ويرضي زوجي اريح لي ولهم