بنت اخوي تزوج عليها وطلبت الطلاق وطلقها والثانيه نفس الشي والحين خطب اخت زوجي ومادري بتوافق او لا!--- زوج اختي تزوج بالسر بس ماتدري عنه بس انا الوحيده اللي ادري بس ماقدر اعلمها ---أخوي تزوج الثانيه والاولى راحت ببت اخوها زعلت وصارت مشاكل بينه وبين عياله الكبار والأن رجعت ---ولد عمي تزوج ويقول السبب ان زوجته مريضه نفسيا والله اعلللم ''''الله يستتتر لايكون الدور علي

الرجال كذابين .. يدورون حجة مايفكر ون اﻻ بنفسهم 

 وش قصتكم مع مواضيع التعددد ماحب اشوف هلمواضيع تجلط تموت الله يخليكم دوروا موضوع ثاني لاتصحوا جروحي انا ماصدقت تنام

اللهم باعد بيني وبين الضراير كم باعدت بين المشرق والمغرب

امي ابوي تزوج عليهااا قبل عشرين سنه وتعبت حيل
والان اسال لله لها الشفاء تاخذ ادويه نفسيه الله يشفيهااا ويعافيها

امي تزوج عليها ابوي وسبحان الله كل اللي اتهم به امي سار له حقيقه من زوجته الثانيه والحين كل فتره يقول بطلقها مابيها وامي تحرش عليه اخواني مثل ماجبتها واحنا كارهين الحين تجلس مع عيالها ماتطلقها ماتبيها خليها بطرف البيت تربي عيالها وانت مالك علاقه بها انسى وجودها
وامي اكيد محروقه جواها بس تماسكت وكان العرس ببيت امي طبعا ابوي ما اخذ دقاقه بس هم اهل العروس جابو دقاقه معهم ورقصت امي
بعرسه واستقبلتهم ترحب وتغني واذن المغرب قالت امي خلاص وقفت الدقاقه صلاه قالت صلوا وتفضلوا مسوين سفره تمر واكلات شعبيه وقهوه وقامت ام العروس زعلت ان امي قالت وقغوا الدق صلاه شكلها ماتبي تصلي من الفرحه بترقص والناس تصلي وقامت تقول قصيده
تتريق ع امي فيها
وقامت اختي الكبيره قالت قصيدة ردت عليها وتركناهم يرقصون ورحنا نصلي وهيه كل الحريم نقدوها قالوا الحرمه ماغلطت رحبت بك ورقصت معك والحين صادقه صلاه المهم اسمعوا قصيدة اختي رداً عليها هههههه
( يامرحبا بك عد ماسارت بك اقدامك وان كنتي شارون ف احنا بوش قدامك) ههههههههه يمكن ماتفهموها بس اللي من الجنوب رح تفهمها
عاد احنا كنا كلنا عند امي سهرنا واخر الليل جت طبينة امي قدمت لامي هديه ذهب وسولفت شوي وطلعت بيتها عند العريس ههههتهه وامي كانت متماسكه حتى اهلها قالوا تعالي ورفضت قالت انا ابي عيالي مابيه خلوه يروح وش بفقد يعني
لانه كان دووووم يضربها يده فيها على طول وزيارة جدتي تروحها بالدس مايدري عنها الحين امي ارتاحت بعد زواجه تنام وتصحى براحتها تروح مناسبات اهلها سواء فرح او عزاء ماكان يخليها
يمكن اللي ماكان طيب معها ماتزعل من زواجه اما اللي حنون وكريم
اكيد بتحتر لانها بتفقد كل شي حلو بيتحول لغيرها
ونصيحه اللي يتزوج عليها امسكي عليك عيالك لاتضيعيهم وتسلميهم زوجة الاب تعذبهم وانتي كمان مارح يتزوجك مطلقه ومخلفه الا معدد
فليش ماتمسكين عليك معددك وتفضلين مع عيالك صح القهر وارد بس وشزالافضل تحتفظين ببيتك اللي بتكونين حرة نفسك فيه ومع عيالك تحت عينك ولاتخسري بيتك وعيالك بالاضافه لخسارة زوجك
بيت اهلك مارح يتحملك ع طول ولارح يتحملون عيالك كثير عندنا فكروا يتطلقوا وشافت الويل من اهلها اخوانها حرقوا عيالها بالكبريت وهونت عن الطلاق ورجعت وهب جت متأمله خير باهلها الوحده بعدما تتزوج تسير ثقيله ع الاهل فمابالك بعيالها
لكن خليك ببيتك وطالبي بحقوقك ان شفتيه يبي يعدل خذي حقك منه حتي لو ماتبينه عناد فيه لانك لو تنازلتي خليتيه لها وكانها تزوجته لوحدها ماكانها تزوجت معدد هذا شجع البنات يتزوجون معدد لان الاولى تزعل وماتبيه تطرده عنها ويبقى للثانيه لوحدها ماحد يشاركه فيها حتي لو ماقلها بتحس من خلال المعاشره انه ماعنده غيرها وقدرت تستحوذ عليه لوحدها ادري صعبه بس ماقدامك حل ثاني انتي الخسرانه
فخليك تطلعين باقل خساره وماحد يدري كثير يطلقون الثانيه ويرجع تحلى بعينه الاولى
الله لايكتب الضره علي ولا على بنات حواء يااارب