السلام عليكم و رحمة الله و بركاته

انا بعطيكم طريقه الذ و اسهل كنافه

و تسوينها في دقايق

المطلوب

كنافه السنبله

علبه قشطه التاج

2 ملعقه جبنه سائله

2 قالب زبده صغير

و شيره اي نوع شيره و الافضل تكون خفيفه

الطريقه:

تقطعين الكنافه بالسكين لا تفركينها لانها مره هشه و رفيعه تروح تتفتت معاك

تقطعينها قطع صغيره وهي راح تتفكك

بعدين تجيبين الصينيه اللي بتخبزين فيها

انثري الكنافه في الصينيه حتى تغطي القاع

و خلي الطبقه رفيعه غطي قاع الصينيه بس حتى يختفي

ولا تكبسينها

بعدين ذوبي قالب زبده و بالملعقه وزعي الزبده على وجه طبقه الكنافه

ولا تكبسين

بعدين اخلطي القشطه مع ملعقتين الجبنه و حطيهم فوق طبقه الكنافه بعد ماحطيتي الزبده

ثم

خذي كنافه ووزعيها فوق طبقه القشطه لحد ما تغطيها و خليها رفيعه ولا تكبسين

احذري الكبس مره لا تضغطينها

ثم ذوبي القالب الثاني حق الزبده و وزعيه على وجه الكنافه بالتساوي

دخليها الفرن

من تحت لحد ماتصير نحاسيه ثم من فوق لحد ماتصير نحاسيه

طلعيها من الفرن لحد ماتصير دافيه مو بارده

دااااافيه و شيرتك بارده

رشي من الشيره على الكنافه رش خفيف

كنافتنا راح تطلع خفيفه مره وهشه مره و مقرمشه مره و الشيره راح تتخللها كلها

بعدها قطعيها و ذوقي احلا كنافه في الدنيا

انا مسويه رجيم ولا كان سويتها وصورت لكم

اخاف اخرب رجيمي و اكل منها

والله محد اكلها الا عجبته

واللي تبي حشوات ثانيه تحط بس الطريقه لا تغيرها

انا اموت بالكنافه :-)
ولا عمري سويتها ما احد ياكلها معي :-(
مشكورين بنات على الطرق بحاول اجربها برمضان

الله يعطيكم الف عافيه

هي كريمة الخفق الي تجيك سائلة و ثقيلة بدون سكر

و إن شاء الله تضبط معك

ونسيت شئ ممكن تجهزي كنافتك عادي لكن ما تدخليها الفرن بدون ما تسويها بالفرن و تغطيها بنايلون و على الفريزر رثم وقت ما تبغيها طلعيها من الفريزر على الفرن الحار و ما تفريقها عن الطازجة ابدا روووووووووعة


و بشرينا

هلا حبيبتي بعطيك طريقة كنافه الكل يشكر فيها...
نتفي الكنافه بيدك مع 2 اصبع زبده وبعدين قسميها قسمين وحطي القسم الاول في الصينيه بعد دهنها بالزبده ثم اخلطي 2علبه قشطه المراعي طازجه مع1 ملعقه كبير نشا و6 حبات جبن كيري 2 ملعقه سكر بودره..
وبعدين حطيها على الطبقه الاولى وباقي الكنافه فوقها ودخليها الفرن واذا خلصت سقيها بالشيره..
لا تنسون تدعون لي الله يسخر زوجي وعيالي ويرزقني الولد الصالح..
واللي تبي اي طلبيه من مملكتي الصغيره للطبخ المنزلي تراسلني على الخاص..