اللي تعرف تركب برامج تساعدني الله يوفقها

اختي هدي وآمري بس ابغى افهم ايش المطلوب ؟؟

هل الملفات لما تحفظينها تختفي ام كيف ؟؟
فصلي مشكلتك وان شاء الله سهل حلها بإذن الله ..

بس ليش قلتي انتي مهانه ؟؟؟؟؟؟؟؟؟ لامهانه ولاشيء آمري بس وان شاء الله مااتركك الا وانتي عارفه .

الله يوفقك ويسعدك و يرزقك الفردوس الأعلى من الجنة ..
انا قلت مهانة لأن أخواني تخصصهم حاسب وكل ما سألتهم عن شي قاموا يتريقوا ويعلقوا علي تعليقات سخيفة أني من العصر الحجري وبلها ومن هالكلام ,, وتعقدت من الكمبيوتر ومن طلب المساعدة فية .. وخفت يصير لي نفس الشي هنا "صار عندي عقدة اضطهاد و فوبيا الكمبيوتر "
وبصراحة سألت أخواتي في عالم حوا عشان ما تتكرر المعاناه مع أخواني وتريقتهم

المشكلة أني لمن أبغى افتح البرنامج ما ينفتح ولا يطلع لي شي .. وجربت النقر بيمين الفارة والضغط على فتح باستخدام وطلع لي اسم وكلمة سر ولا قبل الكلمة اللي حطيتها ..
ولمن أحمل مقطع وأبغى أفتحه ما ينفتح ويختفي عند انتهاء التحميل ومدري وين أدوره وإذا حاولت مرة ثانية يطلع لي رسالة معناها حسب ما فهمت غير مصرح لك باستخدام البرنامج ومدري إيش ...
حاولت أطلعها ذحين ولا طلعت ..
فإذا عندك خبرة ساعديني الله يحقق مرادك ويسعد حياتك يارب.. و حتى لو ما قدرتي بأدعي لك آخر الليل بإذن الله لأنك رديتي علي و حاولتي تساعديني الله يجزيك خير

تفضلي

هذا برنامج الريل بلير لتشغيل الصوتيات والمرئيات

اضغطي هنا

عسى الله يوفقك ويرزقك ويحقق أغلى أمانيك ويحفظك ويخلي لك احبابك وأهلك يارب
والله انك حليتي مشكلتي وريحتيني الله يريحك بنعيم الجنة يارب..
والشكر موصول لأختي المشتاقة إلى الجنة وعسى الله يجمعنا في الجنة مع أحبابنا ومع سيد المرسلين عليه الصلاة والسلام ...
وربي يرزقك ويسعد كل وحدة تحب الخير وتساعد الناس وييسر لها الخير ويختم لها بالشهادة ويجعل قبرها روضة من رياض الجنة ويسقيها من الكوثر ويظلها تحت ظل عرشه الكريم وينجيها من كل مكروه في الدنيا ولآخرة ...
وبإذن الله ادعي لكم آخر الليل وأنا أسمع قراءة الشيخ المعيقلي وأسأل الله ان يستجيب دعوتي لكم في ظهر الغيب..

معليش اختي :: والله .. والله ضيعت الموضوع وبحثثثثثثثثث الين تعبت مالقيته ..

والله اني متفشله فيك واعتذر منك .. يعلم الله اني كنت حابه اساعدك .. بس الشكوى الى الله ..

بس امنتك اختي اذا احتجتي شيء لايردك الا كيبودك ارسلي فقط لي رساله واطلبي واسألي الي عندي له خبره ماراح ابخل عليك ابد بإذن الله ..