اللي تعرف شي عن نقص الأكسجين عند المولود تفيدني .. الله يفرج همكم

السلام عليكم ورحمة الله وبركاته

أنا والدة من اسبوع وولدي ماطلعوه حاطينه بالملاحظة يقولون عنده نقص أكسجين من الولادة وجاه تشنجات وبالبداية كان يرضع عبر أنبوب والحين لا يرضعونه طبيعي وخففو الأكسجين عنه بس مايقدرون يشيلون جهاز الأكسجين عنه مايعتمد على نفسه بأنه ياخذ الأكسجين الكافي بنفسه سوو له مقطعية يقولون عنده نقص أكسجين بسيط لكن مانقدر نحدد وين بالضبط وتحاليل الدم والخزعة وكل الأجهزة الحيوية سليمة مع انه اول ماولدته صاح ولا قالو لي فيه شي وجابوه عندي وبعد 12 ساعة من الولادة قالو انه جته تشنجات و عنده نقص أكسجين .

سؤالي يابنات من تعرف أحد صار له كذا وصار طبيعي ومتى يقدر يتنفس طبيعي بدون أكسجين وهل نقص الأكسجين والتشنجات تأثر عليه بالمستقبل أنا دارية ان كل هذا بعلم الله سبحانه وتعالى ومتوكلة على ربي بس أبغى اعرف من امهات الاطفال اللي مرو بهالتجربة علشان أهيء نفسي لكل شي والحمدلله على كل حال  .
و ياليت ماتبخلون علي بأي معلومة وادعو له ان ربي يشفيه شفاء تاماً ويرجعه لي سليماً معافى يارب .