اللي تفرزن لرمضان تدخل

السلام عليكم ورحمة الله بركاته
كيفكم ......ان شاءالله بخير
كل عام وانتو بخير يارب بما اننا على وجه رمضان ومابقي الا كم يوم الله يبلغنا واياكم
كيف استعداتكم للشهر الكريم ان شاءالله تماام
انا نفسي افرزن السنه هذه دايما بس افرزن السمبوسه والكشنه بس المره هذه ابغى افرزن المعجنات بدل الحوسه اللي اصير فيها كل يوم من اصحى احس نفسي مكركبه وماني عارفه ابدا بايش ويأذن المغرب وانا لسى بعض الاشياء ماخلصت فقلت اريح نفسي السنه هذه وافرزن زي البنات اللي هنا الله يعطيكم العافيه
وابغى اسالكم كم سؤال
1:لمن تفرزنوها تدخلوها الفرن وتنجحوها وبعدين بدل ما تاكلوها تحطوها في علبه وعلى الفريزر؟؟
2:لمن تحتاجوها متى تخرجوها الظهر ولا العصر وتخلوها تلين وبعدين تحموها في الفرن ولا بسرعه من الفريزر على الفرن او الميكرويف؟؟
3:كيف تصير لينه وحلوه وماتنحرق من كونها تدخل الفرن مرتين سؤال ما ادري ايش يبغى صح؟؟
وانا عجينتي حقت الربع ساعه كانت العام حلوه معاي بس الايام هذه وانا اعجنها شكلها لينه وطريه بس لمن اخرجها من الفرن الاقيها قاسيه ومن تحت شبه محرووقه الله لايوريكم فابغى اعرف قد ايش اخليها في الفرن وكيف تكون النار عاليه ولاوسط ولا هااااديه للمعلوميه انا كل شويه افتح الفرن اطمن عليها اخاف تنحرق ممكن هذا السبب في انها يابسه ؟؟
استنى ردودكم على احر من الجمر ومعليش كثرت عليكم اسئله بس استحملوني ابغى اتعلم واصير شاااطره هههههههه