اللي تفهم بالاصول محتاجتك

بنات انا زوجي من دولة عربية وانا الزوجه الثانيه من 10 سنين وعلاقتي باهله شبه مقطوعه بحكم ان الزوجه الاولى قريبتهم .. بعد ماجبت عيالي صار بيننا كلام رسمي بالاتصالات بما انهم في بلد تانيه وامه في الثلاث سنوات الاخيره تجي هنا في كل رمضان وتجي عندي كم يوم يعني العلاقه بيننا صارت عاديه .. الان ضرتي من شهر راحت على هناك لما انه بلدها وزوجي اتفق معاها يروح اسبوع وبعدها تنزل وانا اروح اسبوع اتعرف على اهله..
وهي ماتبغاني اجي ولا تبغاني اتعرف على اهله ولاقرايبه فجالسه كل شويه تأجل بلعاني ساعه تقله لاتجي دحين انا طلعت مدينه تانيه مع خالاتي ساعه تقله رحنا رحله مع مدري مين المهم تماطل عشان تخلص الاجازة وانا عندي اولاد وجامعه فماتخلينا نقدر نجي .. وزوجي فاهمها بس لانه هي ماسكته من يده اللي توجعه عشان مايزعلها وقرايبها واهلها يشرهوا عليه لانه يهتم مررررة بكلامهم عنه ..
انا من اول الاجازة حاسه انها حتسويلي مناكح قلتله ليه مانسافر احنة اول بعدين هم طالما انها رايحه جايه قلي لااااا هم اول برضه عشان كلام الناس!! المهم لما سوتله ضغط نفسي وعصبي في مكالمه وهو يكلمها ومنكده وقالبه وجهها قالتله انا حطله مع قرايبي رحله عشر ايام يعني قصدها لماتخلص الاجازة شفتوا الخباثه !!!! قام قفل منها وجاني يقلي بعد بكرة نسافر قلتله كيف كدا قلي خلاص هي تماطل نروح احنا وهي بعدين قلتله انا طلبتك من زمان قلت ماينفع قلي مو عارف انها حتسوي كدا قلتله طيب انا مو مقضيه ولا شي انت من اوووول تقلي قضي وجهزي نفسك لما اسافر قسم بالله عبايه زي الناس ماعندي قام يقلي هذا اللي عندك بتجي معايا اهلا ويهلا ولا بكيفك.. قلتله يعني هي تجلس تكيد وانت تجي تظلممي قلي انتي كمان تكيدي ولا كان جيتي قلتله كيف اجي لاجزمه ولا عباية ولاجاهزة ولا صابغه هذي اول دخله ليا على اهلك من يوم تزوجتك المهم صار مشكله كبيرة وبعدين قلتله طيب اوعدك لو جهزت خلال يوم بروح قلت عشان يشوف بنفسه اني ماحقدر .. قام دق عليها قلها خلاص انا يومين وجاي اذا بتروحي مع قرايبك لكيفك قامو قالت لاخلاص بكنسل واستناك.. قال خلاص هي اسبوع الين يوم 14 سبتمبر ترجع جدة وانتي بنفس اليوم تجي هنا... قلتله المدارس 17 كيف عيالي وانا عندي جامعه قلي عادي صغار كم يوم يروح عادي.. قلت امري لله .. اليوم كلمها قالتله مو راجعه الا يوم 15 شوفوا الخباثه قام جا يقلي خلاص هي تجي 15 انتي تعالي 14 استقبلك واوديكي عند اهلي وارجع عندها لما تسافر تاني يوم اجيكي !!! قلتله اول مرة ادخل بيت اهلك اروح هناك ترميني وتروح معاها كيف يعني قلي سيبي الكيد والحركات امي انتي تعرفيها وعادي اجلسي عندهم يوم قلتله كيف اجلس عندهم لحالي بلد غريب وهم مهما كان غرب عني كيف كدا !!!! جلس يطول لسانه ويقلي هذا اللي عندك انتي وياها حركا نص كم قلتله كيف انا اللي اسوي الحركات اذا اردت ان تطاع اامر بما يستطاع كيف يعني ترميني عند اهلك قلي عادي تتعرفي عليهم قلتله حسبي الله فيك وفيها خلاص احجزلي يوم 15 قلي التذكرة دبل شوفي الموقع يوم 14 مسوين تخفيض ياشيخه منك لله هي تكيد وانتي تكيدي !!! قلتله انت في فعقلك شي تروح تحبكها انت وياها وتجي كل مرة تسويلي قلق منكم لله تضغط عليك بقريبها وانت المفروض خوفك من ربنا مو توديك يمين ويسار وصارت مشكله كبيرة مررررة وقلتله مابغى اروح ولة اسافر قلي بحجزلك يوم 15 وبدفع دبل لكن منك لله قلتلك منك ومنها لله وماني رايحه مالت عليك وعلى سفرتك


بالله اش رايكم يابنات تنصحوني ايش اسوي محتاجتكم