اللي تقدر تفيدني عن صلالة..والاماكن السياحية بعمان ياليت تدخل, ولها الدعاء بظهر الغيب

وينكم اخواتي؟؟؟؟
لازم احد يرد علي ويفيدني
ارجوكم لا تبخلون علي

مرحباااااااااا اختي....كيف الحال؟؟؟

بخصوص صلاله أنا احبهااااااا مووووووووت...يمكن لأني مازرت ولا منطقه غيرها...وخاصه إني زايرتنها 6 مرات وانشاءالله هالصيف بتكون السابعه....
بخصوص الفنادق..فيها مجموعة فنادق بس ولا مره سكنت فيهن..نحن متعودين نسكن في شقق..أحس إنهن أفضل..يمكن لأن نكون عايله..
ومن ناحية نظافه الشقق ..شي منهن النظيف وشي العادي..يعني على حسب..إذا كانت يديده او قديمه..ولازم تدورين بينهن لين ما تلقين اللي يناسبج وأسعارهم تتفاوت...يعني في أول شهر سبعه ونصه تكون الأسعااار جدا مخفضه ..تقريبا 150 لليله..أما في آخر سبعه يكون 250..وفي ثمانيه يوصل 300 او 350 ...والشقق فشهر سبعه تكون فاضيه وتختارين اللي تبغينه على راحتج..بس في ثمانيه صعب جدا..يعني لازم تدورين وتحوسين لين تلقين شقه..
وبخصووووص الأماكن الي تستاهل الزياره..وخاصه للي أول مره يزورها..كثيره..مثل العيووووون والشواطئ ..وعندهم مهرجان الخريف..وهم طبعا إذا كنتي سايره بالبر..يعطونج خريطه لمحافظه ظفار كاااامله..بالأماكن الأثريه والسياحيه اللي فيها...
وللعلم تراها في شهر ثمانيه تكون أحلى بوااااااااااااااايد من شهر سبعه..
وبخصوص الطريق من السعوديه لصلاله ماعرفله...لأني من الامارات طبعا...
بس أسمع من مجموعة سعوديين إنهم يزورون الامارات أول ومن الامارات يروحوون على صلاله..

والسموحه على التقصير...وإذا عندج أي استفسار أنا حاضره..وإذا تبين الأماكن السياحيه بالضبط بعد أنا حاضره..

اهلين اختي في موقع اسمه العرب المسافرون ادخلي على بوابة الخليج العربي راح تلقين معلومات بالتفصيل عن الفنادق والاسعار والطريق وافضل الاماكن وتجاربهم الشخصيه .
ابرسلك رساله خاصه فيها رابط الموقع .
اتمنى اني افدتك .

مشكورة أختي عذاري على اهتمامك ....
بصراحة انا اسال عن الفنادق لاني بروح مع زوجي وولدي وما أظن الشقق تناسب ... بس باسال بما انك تروحين عن طريق البر هل الطرق امنه ومريحه ...وهل هي واضحه والا نضيع فيها ؟؟؟؟؟؟
وهل زرتي مسقط ام لا؟؟؟
آسفة عالازعاج

شكرا اختي شذو ما قصرتي والرابط وصل ان شاء الله ادخل واستفيد
شكرا على الاهتمام والتواصل