مساكم ورد وفل
حبيت اكتب عن بطاقة اكتساب لأني بصراحه استفدت منها بتجميع النقاط وبالتالي الحصول على الهدايا اللي انتي تختارينها يعني انا مثلا جمّعت 11000نقطة وللعلم قليل اشتري من بنده او مكان ثاني وللعلم ايضا احيانا انساها في البيت ولا كان :32:بيطلع لي العثيم بكبره ههههههه
المهم كسبت من وراها سخّان للماء ب76ريال اخذته هديه لوالدتي والقهر ماعرفت تركب السلك حقه قامت عطته السواق:06: والسواق من القراوه عطاه لبنغالي:o (وحده تكره البنغاليه:06:)
والهدية الثانيه اخذت تلفزيون ماركه لوكسيل كنت ابغاها لغرفه بناتي وبعدين زوجي كان شاري واحد من عندهم عليه عرض ب189ريال هو اشترى واحد لغرفة الرياضه وبعدين قلت يكفيهم قنوات اطفال بعد تلفزيون في غرفتهم بلاش خلني ابدله بمسجل يكون في غرفتهم يسمون السور فيه خاصه قبل النوم وبالفعل بدّلته وهذي صورته
وصورة التلفزيون اللي رجعته
وبجمّع نقاط اكثر باخذ غساله عندهم عليها عرض ب345ريال تصلح داخل البيت او لمناشف المطبخ او للاطفال
انا اخذت فيها طقم مولينكس خلاط وملحقاته وجاء في وقته لان خلاطي كان مكسور
والله يستر على هذا لاني دائما خلاطاتي تطح وتنكسر سواء الاصلي او غير ه سترك يا رب