انا غرفتي في الدور الثاني وانا بغرفه تحت وزوجي فوق من الاحسن انك تكوني لوحدك او في غرفة عيالك
وان هذي اول مره اتنفس في بيتي

انا دايم اتنفس بيتي لان اهلي بديره وانا بديره مارحت عندهم الا بالبكريه
انام بغرفة عيالي-------------

انتي اذا اعيالك عندهم غرفه نامي معهم
واذا الصاله بارده نامي بغرفتك وخليه هو يروح لصاله
ولا خليه هو يروح مجلس الرجال اريح له واريح لك

انا ماجربت انفس ببيتي كنت اخذ اسبوعين عند امي والمره هذي ناويه انفس ببيتي واخلي حوستي بغرفة التلفزيون مع عيالي وزوجي يجلس معانا واذا جاه النوم يتسهل للغرفه
والله يسهلها
مساكين احنا يالحريم مع تعبنا وضعفنا نشيل هم ازواجنا لايشوفون شي مو زين

انا تنفست في بيتي ببكري وكان ينام معي بنفس السرير
بالعكس احس احسن تلقين من يطبطب عليك ويساندك
وكل وحده اخبر بزوجها

أنا اتنفست في بيتي ومع زوجي صراحة راحه نفسيه لي ولعيالي عاد زوجي الله يعينه على الازعاج.......... بس المشكله الوحيده الزوار واستقبالهم بس نضمت شوي الموضوع حددت لهم يوم الخميس أو الربوع بحيث اني اضمن ان يا أمي أو أم زوجي تكون موجوده وقت جيتهم

الضيوف اللي من أهلي اكلم أمي وأختي واللي من أهل زوجي أكلم حماتي وسلايفي وصاحباتي عاد أمون عليهم حتى لو ما باشرتهم عادي وفي الأخير الله يخلي لي الشغاله ويصلحها لازم هديه لها كل بعد فتره وفتره لأني اعتمدت عليها في أغلب الأشياء في فترة النفاس

والحمدلله اليوم كملت الاربعين :) بس لسه ما خلصنا من الزوار ....