انا الحمدلله جبت ثلاث بنات وبعدهم جبت ولدين
مااستخدمت اي شي نهائيا
لكن لفت نظري كلام وحده من الاخوات قالت انو كثرة اكل اللحم سبب لانجاب الذكور
واحنا فعلا من قبل مااحمل بولدي الاول تقريبا الدجاج مايدخل بيتنا الا نادرا كل اكلنا لحم بالذات زوجي مايحب الدجاج
ممكن يكون هذا السبب واحنا مو داريين

لا اختي مافيه سبب حملك بالولدين
مو عشانكم اكلتو لحم

انا جبت ولد وبنت
واللحم مايدخل بيتنا ابد الا بمناسبه
ومايطب فمي ولا اطبخه اصلا ولا اطيقه الله يديم النعمه ويعزها
واكل دجاج يوميا ً
حتى زوجي ياكل اللي انا اكله دجاج
لو اكل زوجي لحم يكون بالاستراحه مع اخويه بس برضو ناااادر بسنه حسنه

وانا منتجات الالبان ماقطعها نهائياً احبها ومرات يكون عشاي وفطوري

وجبت ولد وبنت نفس الاكل ماتغير شي ابد

السبب مو الاكل والله ولا شي
السبب الله هو رزاق بس يختبر عباده
هل يرجعون هالارزاق لغير الله

فنلاحظ البنات هنا يرجعون حملهم بالبنات والاولاد باسباب سووها وهي والله ماتغني ولا تشبع
والله رزقهم صدفه

ترانا يابنات باختبار امام الله عزوجل
يختبرنا هل نقول اننا جبنا الولد او البنت بعد فعلنا لهالامور او بسبب الله ومالها دخل اللي سويناها


والله فيه وحده هنا نزلت موضوع صدمه لكل البنات الله عزوجل يبي الكل يشوف العضه والعبره

انها تحمل عادي بدون مساكل بس عندها بنتين وتخاف تحمل وتصير بنت ثالثه وزوجها مو متضايق وعادي عنده البنات ولا يفكر بالولد بس هي اللي تبي
وطلبت منه يسوون ترجيح الجنس بالتلقيح الصناعي
ودخلت تجمع هنا وجمعت معلومات واخذت اسم الدكاتره والمستشفيات اللي البنات مدحوها وسووا عندهم وضبط
وزوجها رفض هالشي رفض قاطع
وجمعت فلوس من راتبها قيمة وقدره مو هيييييبن
وبرضو زوجها رفض ويذكرها بالله بس هي اللي مصممه
وبعد زن وجهد واصرار على زوجها وافق
وسووا الترجيح واخذوا منها بويضات
مو بويضه
واخذوا من الزوج ولقحوا
واخرتها تطلع كل اللي لقحوها بنات وخسرت فلوسها
وجلست فتره طويله ورجعت تسوي التلقيح الصناعي ومن جديد جمعت فلوس وزنت على زوجها وكان رفضه قوي بس بعدين مع الوقت وافق
وسووا التلقيح
وطلع ثلاث مدري اثنين من اللي لقحوهن اولاد وفرحت وطارت من الفرحه وحمدت الله وسجدت له
ولقحوها فيها
وبالشهر الثاني جاها نزيف ونزل الحمل
مع انها ماعندها اجهاضات سابقه ولا عندها مشاكل مع الحمل

بس حكمة من الله عزوجل
ليش مارضيتي بالحمل العادي ووثقتي بالله وخليتيها على الله ودعيتي
لهدرجه تصدقون الدكاتره وتثقون فيهم اكثر من الله عزوجل
هو سبحانه اللي خلا بالتلقيح الاول كل البيويضات الملقحه اناث
وهو اللي خلا بالتلقيح الثاني ثلاث بويضات ملقحه ذكور
وهو قادر يثبتهم او ينزلهم

لا بيد دكتور ولا اكل ولا شرب


حنا نعوز حملنا بالبنت والولد للاكل والشرب ولخ
وهو الله اللي رازقنا بس يختبرنا

والله يابنات اننا باختبار واللي حملت بالولد والبنت باختبار هل تعوزها هذا الشي لله فقط او تشارك الله فيه شي اخر


انتم شاركتو حمل الجنس مع الله شي
يعني
انتم مانسبتوها لله فقط لا وقلتوا سوينا كذا وجانا
لا ماله دخل الله اللي سوا انتم مايويتي الا العلاقه فقط
لا اكل ولا شرب والله يابنات
ان كل الناس صدفه من الله
يرزق الله ويرزق ويرزق ويشوف هذا العبد يعوز هالرزق لميييييين لله فقط ولا يشرك مع الله شي اخر

انا اشوووف طرح التجارب والنقاش يفيد ويساعد
على الاقل عرفنا اسبااااب كثيرة ماكنا نعرفها
خاصة حمضي وقلوي ...والمعلومه هذي مره جلس ممرض صديق زوجي وقعد يقووله هذا الي تووصلوو له
وشرحها له .


..يعني فيه اسباب تتنفع بعد الله

تصحيح للاخطاء ياشين الجوالات
تظعلو = تزعلو
امتي = انتي
بائعة المسك ردودك منطقيه و دائما تعجبني
في النهاية هي قناعات و مستحيل تتغير قناعتهم
الله يهدينا و يهديهم ..

سبحان الله كان عندي بنتينوتمنيت الله يرزقني بولد فدخلت النت ودورت طريقة الحمل بولد وحصلت طريقة تقول الكاتبة ان ناس من جماعتها طبقوها وجاهم ولد فتوكلت على الله وسويتها والحمدلله ربي رزقني بولد وكانت الطريقة كالتالي احتميت شهر ونص عن مشتقات الالبان والخضروات الخضراء وصرت يوميا اكل موز وبسكوت مالح لانه لازم نزيد الصوديوم والبوتاسيوم في الجسم والشئ الثاني بعد الحمية اول شهر تحسبين من اول يوم في الدورة الى يوم عشرين ويصير بينكم جماع في اليوم العشرين ماصار حمل الشهر اللي بعده تحسبين من اول نزول الدورة الى يوم 19و20 ويصير جماع اهم شئ تبعدين عن الايام اللي بعد الدورة لان نسبة انجاب البنت فيها اكبر والشئ اللي اهم منها كلها انك ترضين باللي الله يعطيك اياه سواء ولد اوبنت