اللي حابه تعرف بالتفصيل عن منظار الرحم تجي افيدها سويتها بس لاتبخلون علي ابغى الجواب.

السلام عليكم ورحمة الله وبركاته

كيفكم ان شاءالله طيبين

انا لي 4 سنين متزوجة وماصار حمل انا مشكلتي هرمون الحليب وعندي ضعف في المبايض
زوجي سليم والحمدلله
سويت تلقيح صناعي مرتين ومانفع كمان

فكرة اطفال الانابيب سايبينها لااااااخر شي اذا مرة مافي فايده

المهم الشهر هذا قررلي الدكتور عملية اللي هي منظار للرحم وطبعا طلب مني اجيه 10 يوم بالدورة ومايسير جماع بعد الدورة طبعا الغرض منه انه مايكون في حمل وانا مستحيل يسير حمل بهالفتره انا بالتنشيط ويالله مو عاد باليوم لتاسع والله قادر على كل شي

وصار جماع باليوم الثامن والتاسع بالغلط :icon28:

وقلنا للدكتور قال مافي مشكله بس خلاص ليلة العملية لايسير شي
قلنا اشوى :09: خفنا يأجل العملية للشهر اللي بعده
المهم مااطول عليكم

جيت اليوم العاشر وقالي من بكرة اتغدي غدا خفيف واتعشي سوائل وافطري الصبح الساعه 9 او 10 سوائل ومن بعد 10 ماتشربين ولااااااااشي خلاص صيام
طبعا سويت زي ماقالي من بعد 10 الصبح ماشربت شي بس من الليل الين 10 الصبح توصيت خخخخخخخخخخخ عصير طازج وموية
وقال الساعه 3 ونص او 4 العصر تكونون بالمستشفى
طبعا رحنا 4 وللاسف صادف انه الدكتور كان عنده اجتماع مايخلص الا 7 ونص قلنا يالله مو مشكله المهم نسوي دخول ونرتاح بالغرفه الين وقت العمليه

واختكم بالله بتموت من الجوع وعطشاااااانه يالله ان شاءالله كله بأجرة
واستلمنا الغرفه على 5 العصر وجلسنا على طول جاتني الممرضه واعطتني علبه تبغى بول الله يكرمكم عشان التحاليل
بعدين اعطوني لبس ولبسته ونسدحت عالسرير وسحبولي دم عشان التحاليل
وبعدين آآآآآآآآآآآآآآآآآآآآآآآآآه حطولي شرنقه الله يكرمكم
كرهت نفسي والممرضه الله يكافيها اقولها خلاص بطني بتنفجر يكفي وتقول لا لازم كله خذي نفس وماني قادره اخر شي قامت الموية تنكب كلها مني الله يكرمكم وطلعت اللي وانا جري عالحمام فضيت بطني بس طبعا بعد ماعدمت السرير بالموية والغرفه خلاص ماقدرت امسك نفسي ابدا
ويشهد الله انه مع كل هذا كانت معاملة الممرضات رووووعه
انا سويتها بالمواساه اللي بالمدينة عند الدكتور رضى وهو كمان محترم ومرررة ممتاز
المهم بعد ماخلصت غيرولي السرير وجابتلي لبس جديد ولبست وانسدحت وزوجي ميت ضحك علي يافشله :44:
ترى على فكرة اللي نزل بالسرير وبالغرفه بس موية الشرنقه مو شي ثاني لايروح بالكم بعيد
المهم وعلى طول ركبولي مغذي وسولي اختبار حساسيه بيدي والحمدلله مافي حساسيه

وبعدين جا الدكتور على 7 ونص وقالي ها سويتي كل اللي قلنالك عن الاكل والشرب قلتله ايوة قال جوعانه قلت ايه <<------ فرحانه
قال لا مافي اكل ولا شرب قبل 6 الصبح ان شاءالله :09:

المهم على 8 جو واخذوني وانا اطقطق من الخوف اول مرة اسوي عمليه واخر مرة ان شاءالله
طبعا جابو سرير للغرفه وركبت عليه وودوني وزوجي معايا وامي وابويه كانو بالغرفه
وعند باب العمليات طلعت وحده لابسه لبس العمليات واخذتني بسرير ثاني ركبت عليه
وودعت زوجي هنا
دخلتني خرفه كلها اخضر X اخضر تخوف ولبسهم اخضر وبااااااااااردة زي الفريزر سبحان الله
ومن السرير للثالث ركبت سرير ثاني
وفوقي لمبات تفجع
ومددو ايديني جمبي كانهم بيذبحوني ووحده حطو فيها حق القلب اللي يبين النبض والثانيه مغذي
المهم جا دكتور فوق راسي سالني ايش اسمك بعدين اعطاني اكسجين انا احسب اكسجين عادي مادريت انه البنج
كنت استنى يحطولي البنج على بالي بالمغذي
قال خذي نفس واخذت
ثاني مرة قال خذي نفس واخذت
ثالث مرة قال خذي نفس واخذت والله لا يوريكم راسي نمل واللمبات اللي فوقي احسها تدخل ببعض بعدها كانه فيش وانفصل مدري عن نفسي الا اللي فوق راسي تصحيني
يالله ماما الحمدلله على السلامة
وخلوني ربع ساعه بغرفه الافاقه واسمع قربعه عندي وهرج الممرضات وبعديت قالتلي الحين روح غرفه
واخذتني الغرفه والله تكلمني زي الاطفال هههههههههههههه
المهم رحت الغرفه على 10 بالليل لقيت زوجي ميت من الخوف وفرحان اني طلعت سليمه هههههههههههههههههههه
المهم من يوم ماطلعت وانا مسكن مسكن مافي كلمة غيرها على لساني مااخوفكم بس انا حساسه اصلا مااتحمل اي شي واعطتني الممرضه ابره فلترين وبعدها ماحسيت بشي الحمدلله وماحتجتها مرة ثانيه
المهم جاني الدكتور ثاني يوم قال سوينا تخريم للمبيض واشعه صبغخ وطلعت كويسه ولقينا في ضيق وسوينها من تحت كيف مافهمته اعطوني حبوب مضاد
وقعدت يومين بالمستشفى وطلعت الحمدلله
وهذي كل السالفه

اللي ابغاه منكم بليز مين سوت منظار وتخريم او تعرف احد سواه وحملت
متفائلة وخايفه بنفس الوقت

ياليت احد يفيدني والله يرزقها الجنه اللي تدعيلي بالحمل

تحياتي:)