كوبونات الراقية تسجيل الدخول

** بسبوسه **

** اللي زوجها غامض .. كتوم .. صامت ..** تعالي فضفض وخذي الحل؟؟

الأسرة والمجتمع •

يا هلا فيكم حبيباتي ..

مشكله لما الزوج يكون كتوم وغامض واغلب وقته ساكت ...ولا يدردش الا في الشديد القوي..
ولا يقدر يعبر عن مشاعره لزوجته ..

تتوقعون وش السبب ؟؟ ووين السبب ؟؟
من الرجال .. نقدر نقول هذا طبعه ..
او من الزوجه ... ونقول ما قدرت تكسر جمود هالرجال وتخرجه من الحاله اللي هوفيها ..

سمعت ان كثرة الكلام الحلو للرجل يخرجه من عزلته ويجعل لسانه ينطلق حباً ورومانسيه ..
وجربتها دللته حتى اصبح مغرور ويشوف نفسه علي .. مدحت اسلوبه شخصيته تفكيره ..ردود افعاله
ما خليت ولا بقيت .. وكبر وتكبر علي ..

قلت يا بنت الناس اركدي جربي اسلوب التطنيش عيشي حياتك وانبسطي .. طنشت وطنش هو كمان ..
والمشكله فيني .. احبه .. وما اقدر اصبر على بعده وتطنيشه وتجاهله لي .. فارجعله استسمح منه
واترجاه يعبرني >> قمة الإهانه تخيلوا اشحت منه الكلمه ..

المهم .. انه يحبـني بس بصمت .. كلمته كثير اني انثى واحتاج الكلمه وفهمته واحسه فهمني ..
وينعدل بالكثير يومين ويفرح قلبي .. وبعدها ترجع حليمه لعادتها القديمه..

ما ودي عيالي يكبرون ويشوفون هذي العلاقه بيني وبين ابوهم صمت خانق .. حاسه راح انفجر ...
وممكن يتكلم بس متى ما حب هو .. واغلب حديثه حديث جد في جد .. ولو حاولت اختلق المواضيع
يرد بردود مقتضبه (( ايوه .. طيب .. ليه .. مدري .. خلاص .. انا الحين مشغول .. بتابع الفيلم ..مالي خلق للكلام))

مره كنت بكسر حاجز الصمت وقلت له لغز جاء بالتلفزيون ما عرفت حله .. رد بدون نفس حتى انا سمعته وما اعرف حله ..؟؟؟؟
تدور الايام ونروح لاهله وانا قاعده عند امه قلت لها الغز طلعت ماشاء الله عليها ذكيه وحلته .. تحمست اقول لزوجي الحل ورجيتها ما تقول له ..جاء ابو الشباب .. قالت له امه اللغز قال ايوه اعرف حله .. عيوني سارت كبر فنجال القهوه
وفعلاً جاوبه وهو يضحك قال من زمان اعرفه ؟؟؟؟؟ بالله اشرايكم ..

آه ببكي من الحرقه والقهر ...
ما اقدر اكمل خلاص .. كملوا انتوا .. وراجعه لكم .. لان مالي غيركم ...
92
147K

يلزم عليك تسجيل الدخول أولًا لكتابة تعليق.

تسجيل دخول

عزيزه بذاتي
عزيزه بذاتي •
على فكره الرجل من هذا النوع ما يحب المره اللي تلاحقه ويدري انها ما تستغنى عنه
يعني عيشي جوك الخاص
انشغلي بنفسك واحتياجاتك اول بعدين الزوج والاولاد
هذا النوع يحب الزوجه اللي عندها خصوصيه اكثر
ما اقول اهملي لا والف لا قومي بواجباتك لكن موة على حساب نفسك
كلام من تجربه شخصيه لان زوجي من ها لطينه
تخيلي وصل فينا انو جلسنا جنب بعض جلسه بريئه بيننا المركه تدرين وش صار















بنتي راحت ركض للمطبخ وجابت كوب قزاز ورمته :oعلي بس الحمدلله مافي اصابات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هاه وش رايك؟
متابعه معاك
** بسبوسه **
** بسبوسه ** •
يا بعد عمري يا عزيزه بذاتك ..

وربي ادري إني غلطانه ما خليت لنفسي قيمه قدامه .. بس اش اسوي والله غصب عني .
احبه حب ما ينوصف .. كأني امس تزوجته .. مو قبل 8 سنوات ..
وانا طبعي رومانسيه .. مرحه .. بس اسلوبه غيرني .. سرت نكديه وساكته وحزينه ..

له اخو اكبر منه .. زوجته مطلعه عيونه وتكره اهله وهو يدري واهله ما يحبونها ومع هذا يمدح فيها قدامهم وهي موجوده
ويدللها قدام امه وخواته .. وانا اللي احب اهله موت وهم بعد يعدوني من بناتهم ..
ما نقعد عندهم الا وهو عابس ومكشر وبس اختفي في اي غرفه اسمع ضحكه وهروجه ..

بجرب ابعد عنه .. رغم اني ادري انه ما حيتغير عن تجاهله وتطنيشه واني انا وحدي اللي راح اتعذب ..
بس اش اسوي .. ساعات احس اني زي الهواء في البيت مالي وجود ..
يمكن لو العب العاب بهلوانيه وشقلبه وانا بجنبه ما درى عني ... هههههه.. وربي من القهر اضحك وابكي ..

والله صدقت انا عيالي لما يشوفوني واقفه اتكلم معاه يجووا يدفوني يبعدوني عنه ... ههههههههه
سار شئ غريب ومو مألوف عندهم ههههههههههه.. لا حول ولا قوة الا بالله ..

والله شكلهم الرجاجيل ما تنفع معهم الحرمه الطيبه .. المطيعه .. واللي تدور على رضاهم ..
يالطيف واحنا وش طلبنا غير شوية اهتمام ...
ــ امدح.. اشكر .. تغزل
ــ طالعني وانا اتكلم ..
ــ لا تنهي اي حديث بردود جافه بارده مقتضبه
ــ توقف عن النصح .. وشاركني الضحك والمزح..

حبيبتي سامحيني طولت .. بس من حر ما فيني .. الله يكتب لنا الأجر .. ويسخرهم لنا .. ويسخرنا لهم ..
مرة الدب المملوح
مرة الدب المملوح •
عندنا وعندك خيررر

طنش تعش >>> وبسطي عمرك سولفي ومو لازم يرد >>تخيلي انك تسجلين مقطع صوت
بعض المرات اتراقص عندة خخخخخخخ من قهري خخخخخخخخ

وسلفتي نفس الوضع تشكي من وضع الصامت وهي ماشاء الله عليها مرررة مرحة
يعني ريحي بالك 99بالمية هذا حال الشعب السعودي الصامت الأبي




عزيزه بذاتي
عزيزه بذاتي •
مرة الدب المملوح مرة الدب المملوح :
عندنا وعندك خيررر طنش تعش >>> وبسطي عمرك سولفي ومو لازم يرد >>تخيلي انك تسجلين مقطع صوت بعض المرات اتراقص عندة خخخخخخخ من قهري خخخخخخخخ وسلفتي نفس الوضع تشكي من وضع الصامت وهي ماشاء الله عليها مرررة مرحة يعني ريحي بالك 99بالمية هذا حال الشعب السعودي الصامت الأبي
عندنا وعندك خيررر طنش تعش >>> وبسطي عمرك سولفي ومو لازم يرد >>تخيلي انك تسجلين...
فعلا هذا هو الشعب السعودي داخل البيت والدليل الشاب اللطيف اللي في اخر ردك لا وتأيييد قوي من الشايب :hahaha:
تفاحة سماوية
تفاحة سماوية •
عندي طريقة سحررررررررررررررررررررررررررررررررية
تخلي الرجال يلحقك لاوبعد إذا زعلتي يصالحك

ومجرررررررررررررررررررررربة

اولا شيء اخذي لك دش محترم
وبعدين البسي لبس ....مغري مرررررررررررررررررررررررررة تعرفون وش اقصد
بعدين حطي ميك اب خفيف
ورشي احسن العطورات
وبعدين تعالي واجلسي معه بنفس الغرفة واجلسي بعيد عنه وسوي حركات........
وسوي نفسك زعلانه ولا تكلمينه
اهو على طول بيطير يجلس جنبك اسحبببببببببببببببببببببببي عليه ولا تعطينه وجه
الا بعد ماتتدلعين عليه شوي
وبالاخير راح يكسر خاطرك


ويفضل هالحركات وقت الدورة علشان يسولف معك وبس

جربوووووووووووووووووووووووووووووووووو


دعواتي