والحمد لله الذي عافانا مما ابتلاهم به وفضلنا على كثيرا من عباده الصالحين.
الاهل الاهل الاهل بالله عارفه انكم تبغون تفرحون بولدكم وتشوفون خلفته لكن بالله هذي امانه في رقبتكم فاذا كان ولدكم مو حق زواج فاسترو عليه ولا تلعبون باعراض الناس ترا الزمن تغير والناس فتحت مخها وعرفت حقوقها وماسار الرجال بس يعيبه جيبه وربي يهدي لكم

فعلا صادقه ترا عيب تكذبين البنت صح فيه قصص واضح انها تأليف لانه غير مألوفه بمجتمعنا مثل اللي يقولون بزوجي واخته بينهم علاقه ومن هالكلام لكن كلام صاحبه الموضوع صحيح ومنتشر بمجتمعنا وانا كنت من ضحايا زوج مدمن وصار نفس اللي قالت ماعندك كلمه حلوه تلايطي واكرمينا بسكوتك

فيه وحده تقول لك سنتين متزوجه
انا ليه 11 سنه متزوجه
وعندي 4 اطفال

والله يابنات فيه صفات كويسه ولا ماكان قعدت معه طيب معنا ولا يمنعني اروح مكان او جمعات مع اهلي
وكريم مايبخل علينا بشي
لكن عيبه الوحيد الشرب ولازم يوم في الاسبوع او الاسبوعين يكون فاصل عقله ويرجع على الفجر خلاص احسه مختل وينام وياشين ريحتهاقسم بالله تلوع الكبد والغرفة تسير مقرفه بس اروح افتح الشباك
وسرت اذا شفته كذا ماعد اناقشه لاني اخاف يأذيني ويصحى ثاني يوم انسان طبيعي ولا كنه ماخذ شي
وبالنسبه للطلاق اقدر اتركه واتطلق منه
لكن بيحرمني من عيالي
على الاقل انا معهم انتبه لهم لكن تخيلو في غيابي عنهم اش ممكن يصير لهم
وابوي مفهمني اني اجيهم بدون اطفال لحالي
علشان كذا صابره
طبعا هو راعي سفريات من يوم كان عمره في بداية العشرينات
وادمن على ذا الشي
وش تتوقعون في السفر غير الخراب وقلة الحيا
لكن حسبي الله على اهله اللي ضيعوه من يوم كان شاب
وفي الاخير يبغونه يعقل لصقوه فيني
واذا كان هادئ وجيت ناقشه يحلف ويقسم انه ماياخذ شي واني اتوهم
قلت انا ماني غبيه تراني شايفه وساكته
لكن مااقول الا صبر جميل
الله يعوض عليه

إنتي ماتخافين على أطفالك يشوفون أبوهم بهالحاله هالأسبوع والأسبوعين اللي يفصل فيها وش وضعك ووضع أطفالك يحسون بوجود أبوهم وحبه وحنانه والا لا .. انتي تدرين مصدر فلوسه حلال والا حرام والا بس أهم شي عندك انه كريم .. 11 سنه كيف قضيتيها مع شارب خمر .. وتوك تدورين على حل ! هو ماراح يوقف دام يشوف زوجه خانعه وراضيه بوضعه وعاشت معه 11 سنه أعذريني سالفة إنك كنتي ماتدرين إنه شراب وانه مركب كيميائي مادخلت عقلي انتي تعرفين انه شراب بس ماتبغين تطلقين انتي غلطتي لما رضيتي بوضعك .. اب شارب خمر وأم رضت بالوضع 11 سنه وسكتت وخلفت 4 أطفال هم الوحيدين الضحيه الله يكون بعونهم ليتك انقذتيهم ليتك حطيتي حد لأبوهم ابداً ماراح يكونون فخورين بأب خمار بكره اولادك بيكبرون ويعرفون وضع ابوهم وبناتك راح يكبرون ويارب يحميهم من شره بكره راح يلومونك ياماما ليش رضيتي فيه ليش سكتي هم مو بحاجة فلوس وكرم قد ماهم بحاجة اب قدوه قدوه قدوه بكل شي وبيئه نظيييييفه يعيشون فيها ..