شوفي ياختي اول شي الله يكتب اجرك ويعظم شانك ويرفع قدرك لانك نويتي تحافظين على بيتك
وماحبيتي تشتتين اولادك
انا حقيقاً ماععرف احد يشرب لكن اسمع بشكاوي كثير من نساء المدمنين
انا بنصح والامر يرجع لك اذا جازت لك طبقيها
لازم تعرفين ان زوجك مبتلى ويمكن لو يرجع فيه الزمن مامشى بهالطريق
والشيء الثاني انتي اذا تبين استمرار حياتك وبيتك لازم توقفين معه
الجدل والمشاكل ماراح تنفعك بالعكس راح تزيد الطين بله وكلنا نعرف اخلاق المدمنين كيف تكون
فالحل انك تجين لزوجك بالسياسه
يعني باسلوب بحيث تخلينه حبه حبه يستغني عن البلا اللي ياخذه
قبل الاسلام كانت العرب تشرب الخمر وكان شي عادي وعرف بينهم ويمكن كانو يقدمونه للضيوف من باب الكرم
لكن لما جاء الاسلام وحرمه ماحرمه على طول وحرم شربه نهائي ! لا بالعكس جاء الحكم تدريج بحيث جاء النهي انو الصلاه مايقربونها وهم سكارى هذه بدايه التحريم وبعدين حبه حبه لما العرب قديما بدو يبتعدون عن شربه لانو تقريبا الصلوات الخمسه اوقاتها قريبه من بعض فماكان في وقت علشان يشربونه
والله سبحانه كان يقدر يحرمه مباشره لكن الله يعلم ان العرب كانو معتادين على شربه ولكن منعه عنهم بالتدريج رحمه بحالهم
ونفس الشي لازم يكون تعاملنا مع المتعاطي للخمر نبدا معهم بالندريج ونوقف معهم ونساعدهم يتغلبون على ادمانهم له ويعيشون عيشه سليمه صحيحه بعيده عن مايغضب الله
اجلسي مع زوجك وقولي له انا معك انا بوقف بصفك انا بساعدك علشاني ابي لك الخير علشان ابيك تكون فخر لعيالك بكل شي ابي اشوفك تكبر بصحه وسلامه وتشوف احفادك وانت بكامل صحتك وعافيتك ابيك تكون سند لي ولعيالك بعد الله وعطيه من الكلام اللي يشجعه ترا زوجك بامس الحاجه للي يوقف معه وياخذ بيده
واتفقو على طريقه واعملو خطه علشان بالبدايه يخفف شرب وحبه حبه لين يتركه
حددو كميه شرب مايتعداها حددو ايام للشرب فقط حاولو تشغلون زوجك عن جمعاته باصحاب السوء وشلته وبرضو خليه يستشير اطباء ويروح مراكز وياخذ منهم المشوره وياخذ منهم خطه علاجيه
واستعيني بالله اولا ثم عليك بالصبر والاحتساب واستري عليه واستري عيوبه وكوني له خير عون
وعززي ثقته بنفسه وخلي له هيبه عند عياله
والله ان الشباب المدمن اغلبهم من ضغوط بهالحياه لجئو للبلاوي
وان الكثير منهم فيه خير بس سبحان الله ابتلو ابتلاء عظيم بهالادمان


الله يصلح زوجك ويشفيه ويعافيه ويخليه لاهله وعياله ويجزاك الله خير

اذا بتصبرين عليه
الأيام الي يشرب فيها نامي عند اهلك إنتي وعيالك
وضحي عشانهم دام ان ابوكي مابيستقبلهم
لأنك لو تطلقتي وأخذ عيالك بيزيد شراب وبيدمر اكثر وعيالك معه
ودامه رفع مسدس بتتكرر
وانتي عند اهلك وقلبك مع عيالك بتتمنين انك صبرتي لأني مريت بتجربتك
وأخذ عيالي ولكن مارتحت بالي مشغول عليهم بالذات بليل وادعي ان ربي يحفظهم وأستودعهم الله

شوفى يوم يكون زوجك موو شارب

ويكون فى حالة جيدة

قولى لزوجك زوج صديقتى يحب يسمع لقارئ القران مثلا احمد العجمى

فانتى اساليه اى قارئ تحب

وشغلى سورة بنفس صوت الا يحب زوجك
او فى القراء اصواتهم جميلة جدا لو سمعتى اى شخص يتاثر

فشغلى بس صوت عااالى يوم يكون زوجك موجود او قبل ما يطلع من البيت

حاولى وجربي موو يوم او يومين بل سنة او سنوات جربي

الزميه ب مصروفك لا تسوين مشاكل عشان يشرب لا سوي مشاكل عشان مصروفك دام عندك عيال منه وما يضربك خلاص اتتتتتقي شرررره وطالبي بمصروف لك وبينك وبينه قولي بدل ما تصرف ع الشراب اصرف علي وقدام ابوك قولي بس ابيه يصرررف علي وعلى عياله واذا ما صرفف عليك زييين شوفي حياتك مع اللي يستاهلك

يعني انتي ماتبي حل ؟!
الصبر هو الحل عندك
اذن ادعي له و حاولي تغيريه كلميه باسلوب يمكن لعل وعسى يتغير لا تقولي مو راضي لا ضلي زني وراه

الله يهديه ويسخره لكم