طيب الي تقول حلال الدوله ماترضى بها الشي ومانعته ومشدده على منعه ومخالفه الدوله خروج على ولي الامر كيف يفتي المطلق ضد الدوله للي تقول المطلق محلل

خلاص يا اختي طالما زوجك مسجلك احمدي ربك واقبلي اللي يعطيك هيه واتركي اللي ياخذه منه مالك شغل فيه ﻻتحرمي نفسك من الراتب اللي يجيك اعتبريه من حافز اقبلي زي قريباتك رضيو بلاشيء تدققي 

نظام حافز هو نظام من الدولة تعطي مبالغ لحين الحصول على الوظيفة وهو مال عطيه حلااااااال


لكن نظام السعوده الوهميه هو ان يتم التسجيل في مكتب العمل على اساس انك تشتغلين وانك على راس العمل وفعليا انتي قاعده بالبيت تستلمين الراتب اخر الشهر بدون عمل فعلي وهذا بصراحه اللي يخلي الكل يشتبه بالراتب اللي تستلمينه لأنه فيه تدليس وخداع ومن اسباب عدم بركة هذا المال اللي تاخذينه اخر كل شهر

وزوجك كان شارط عليكم انكم بتاخذون 1800 وانتو كنتو فرحانين ومبسوطين ويوم جات زياده سحبتو على زوجك والمفروض ياخذ مبلغ بسيط مقطوع مره وحده لانه توسط لكم بهالوظيفه

بصراحه موضوعك كله على بعضه شبهه وبسألكم بالله عليكم اللي تقول الوحده مضطره وما عندها دخل الا هالدخل وما تقدر تشتغل ليش تقول كذا والاسواق كلها صارت تقبل بالنساء ويوظفونهم ومن فوق خشومهم بعد وش عذرها الحين !!!

هالكلام كان اول الحين الوحده تقدر تنزل وتشتغل وراتبها يصك ال 5 الاف وال 6 الاف وبشهادة متوسطه وثانوية

احسن من 3000 مشبوهه ما يندرى هي حلال ولا حرام بالعكس مشبوهه


الله يسترنا بستره

شفت فتوى الشيخ المطلق وقال اختلف العلماء وقال وجة نظره ورجعت لفتاوي المفتي وعبد العزيز الفوزان والشيخ المصلح والشيخ الماجد وكلهم ما اجازوا مال السعوده لكن بعض الناس مثل المثل الي يقول حط بينك وبين النار مطوع الله يغنينا عن مال الحرام وكل نفس بما كسبت رهينه الله وما على الرسول الا البلاغ

ماأتوقع غلطانيين فيه مسيرات ومحاسبه وماليه ومراجعه .
من ناحيه الحرام والحلال بالمنطق كثير مواطنين ومواطنات معهم شهادات وماتركو شركه أو مركز بقطاع خاص إلا وبحثو عن وظيفه ولم يجدو ,فبعض الشركات تعرض عليهم هالراتب برضى صاحب العمل ورضى من يطبق نظام السعوده ,المحتاج لهذا الراتب هل يأخذه ليسد حاجته أم يسرق ويتجه لعمل غير مشروع خصوصا وهو لم يجد وظيفه ؟؟؟!!!!!
من ناحيه مخالفه نظام العمل عن تجربه ياما ذهبت للقطاع الخاص وموظفين مقيمات عربيات في وظائف خاصه بالسعوده ولما كلمتني موظفه طاقات وضحت لها هالمخالفات من القطاع الخاص فقالت بالحرف الواحد مانقدر نغصبهم هم حرين بالتوظيف .
فالسعوده وهم وللمعلوميه هم يطلبون سعوده لأنه صاحب العمل يعطي الموارد الإجتماعيه عن كل موظف أو موظفه سعوديه راتب شهري يذهب للموارد فتسفيد منه .