اللي سبق وخطبت لاخوها او ولدها,,,ابيكم

صراحه ماكد خطبت ولا انخطبت
ادعولي يابنات ان الله يرزقني الولد الصالح
رفع

اهلين اختي الله يوفقك وتتوفقون ببنت الحلال الاجودية

اولا اختي استخيري قبل لاتروحون

واذا رحتي طبعا انت تشوفين اهلها وبترتاحين لهم والا لا واهم شي الام سبحان الله تبان الام اذا والله راكدة وعاقلة وتحسينها ام تنشرى لان البنت من امها احنا عندنا مثل يقول اسال عن امها قبل لاتضمها

وبعدين تشوفين البنت حاول تاخذين وتعطين معاها تبان لك بعض الامور

وكل شي مكتوب بس لاتنسين الاستخارة

والله يوفقكم يارب بالاجواد

اعتقد القسمه والنصيب هى الى تحكم قبل كل شى يعنى مهما حرصتى تدورين على المواصفات الى تبينها ان جاء النصيب راح تتغاضين عن كثير اشيا ء

انا اقولك خطبت لا خوى وحده والله ماعرفها بحكم انى وزوجى بمنطقه واخوى بمدينه ثانيه بس وصانى وصرت ادور له ولا حرصت بس النصيب وصدفه عند صديقتى شفت اخت زوجها بنت عاديه جدا وجلست تسولف شوى وراحت الى صديقتى تقولى وش رايك فيها ليه ماتخطبينها لاخوك وفعلا خطبتها وافقت وتم المراد سبحان الله وحنا جلسنا ندور له قريب السنه مع انه والله ماله شروط ابد الا انه تكون خلوقه بس والحمد لله انتى ان شفتى البنت ومها واهلها حبوبين توكلى على الله ومحدن كامل ولا تدققين بكل صغير وكبيره علشان تمشى الامور

اهم شي الارتياح
ترتاحين لهم وتكون البنت حبوبة وعاقلة وفاهمة ماهي طايشة وتبين من شكلها اسلوبها في الكلام
وهم امها وشوفي طريقة ترتيب بيتهم وتقديمهم للشاي للقهوة يبين سنعيين ولا ماهم سنعين
اهم شي السنع والنفس الحلوة

انا اخوية نقاها بنفسه ،، يدرس في الجامعة الامريكية في الشارقة ، و لما رجع لجدة في الاجازة ، ورانا صورة البنت في اللاب توب و قال لنا ابغاكم تكلمو اهل البنت و تخطبوها لي ،، و ابويا اتصل على ابوها و الحمدلله خطبنا له ،، اول شي رحنا عندهم و شفنا البنت واهلها امها روسية و ابوها بحريني عايشين في دبي بس شكلهم ناس مثقفة و محترمة وكمان الاب متعلم بروفيسور في الجامعة و الام معلمة ،، و هي بنتهم الوحيدة ،، دحين بس صار كلام بس الخطوبة ان شاء الله في الاجازة و عقبالكم