1
-ليششششششششش عمليه, ليش مو طبيعي؟
الله ما سهلها...اتأخرت 14 يوم في العاشر وما حسيت بأي آلام او بوادر ولادة وكنت بكرية لانو اعطوني طلق وجلست ثلاث ايام كاملة ما انفتح الرحم وتعب الجنين وواضرو يعملو قيصرية.


2-وين ولدتي؟؟
في فلسطين

3-من الدكتوره اللي سوتلك العمليه ووش رايك فيها؟؟
العملية منيحة الحمد لله ..بس البيبي كان رح يروح فيها بسبب تأخر العملية لانهم نزلوا ماء الجنين قبل العملية ب 12 ساعة والبيبي ضعف تنفسه وطلع تعبان وقعد بالحاضنة 4 ايام

4-وش احساسك بعد العمليه؟؟
طلعت مهدود حيلي وكنت اصرخ بطني بطني

5-ايش الادويه الشعبيه والعاديه اللي استخدمتيها بعد العمليه؟
مسكنات من المستشفى ومضادات حيوية..,بالبيت مسكن مثل مسكن آلام الدورة او تروفين...وشربت يانسون للنفخة لاني ولدت بعز البرد

6-ايش سلبيات العمليه وايش ايجابياتها؟؟
كانت ايجابية بالنسبة لي لانها انقذت ابني باللحظات الاخيرة...
سلبياتها انه بطنك ما بيرجع لحالته الطبيعية لانع بيصير شق في الانسجة وما بترجع لحالتها الطبيعية

7-كيف تعاملتي مع الكحه اللي جتك بعد البنج ؟؟
اجتني الكحة خفيفة كنت اقعد قرفصاء واكح فما اشعر فيها

8-كيف قدرتي تتعاملين مع طفلك وترضعينه اول يوم؟؟
لانه كان تعبان رفض الرضاعة لمدة يومين وبعدها غلبني كثير لاني ما كنت اعرف بالرضاعة

9- اذا كان عندك اولاد كبار كيف قضيتي النفاس؟؟
عادي راحة 4 او خمس ايام وبعدها كلش رجع لحاله

10-وش حطيتي على الجرح وهل كان كبس والا خياطه
كان الجرح كبس وكنت اعقمه باليود لمدة حوالي شهر

-ليششششششششش عمليه, ليش مو طبيعي؟
لان الحوض عندى كان ضيق وماقدرت اولاد طبيعى

2-وين ولدتي؟؟
صراحه فى اكثر من مكان بحكم تنقلات زوجى من مكان الى مكان
3-من الدكتوره اللي سوتلك العمليه ووش رايك فيها؟؟
الاولى هنديه صراحه مرة ممتازه
الثانى سودانيه وكمان ممتازة
الثالث سودانى بس الله يسامحه على الى سواة فييه شفت الموت بعيونى لكن الحمد لله على كل حال
الرابع فى الطريق والدكتوره تونسيه وباقى ماعرف شرها من خيرها بس شكلها ممتازه
4-وش احساسك بعد العمليه؟؟
الله لايضيع تعبنا عليهم صراحه برد ونفضان غير طبيعى واحساس بالعطش بس ماقدر اشرب والم غير طبيعى ودوخه والحمد لله على كل حال
5-ايش الادويه الشعبيه والعاديه اللي استخدمتيها بعد العمليه؟
صراحه هذا انا ودى اعرفه كمان ونزلت موضوع عشان احد يقولىايش استخدم لانى على وشك ولاده وياليت احد ينفعنا
6-ايش سلبيات العمليه وايش ايجابياتها؟؟
السلبيات الكحه وانك ماتقدرين تسوين تمارين وانك ماتقدرين تركبين لولب الى بعد سته شهور الى السنه لانى الحبوب ماتناسبنى وتكونين فى قلق على طول عشان ماتحملين مره ثانيه
ايجابياته ان المكان الى تحت يبقى زى ماهو بلا خياطه بلا خرابيط
7-كيف تعاملتي مع الكحه اللي جتك بعد البنج ؟؟
هذا الشى الوحيد الى ملقيت له حل
8-كيف قدرتي تتعاملين مع طفلك وترضعينه اول يوم؟؟
بصراحه البكر ماقدرت الرضعه والثانى والثالث فى اليوم الثالث وبالقوة بعد
9- اذا كان عندك اولاد كبار كيف قضيتي النفاس؟؟
الحمد لله كان الوضع امن نوعا ما لان امى الله يعطيها الصحه كانت عندى
10-وش حطيتي على الجرح وهل كان كبس والا خياطه
صراحه كنت على طول امسحه بعلاج مطهر مادرى والله وش اسمه بس كان لونه اسود الاول والثانى كان كبس بس الثالث الله لايوريك خياطه مع دبابيس والله تعبت موت لكن الحمد لله
ارجوكي اذا عندك اي نصيحه قوليها لنا فنحن بأمس الحاجه
ارجو من الله ان يسهل لكل حامل ويرزق كل من تبغى تحمل
ونصيحه انتبهى لنفسك فى هذى الفتره ولاتمشين لوحدك بعد العمليه وخاصه فىالحمام ونتم بكرامه عشان ماتدوخين
ودمتم

كان سبب ولادتي القيصرية لأن عنق الرحم مافتح والبيبي تعب مع كثرت ابر الطلق الصناعي
ارتفع عندي الضغط وسكر الحمل

- ولدت في مستشفى التأمينات (رعاية الرياض)

- الطبيبه كانت شاهده العراقية
-بالنسبه لآلام العملية قعدت اسبوعين لا استطيع المشي بسبب الآلام وطبعا ماخفت الآلام إلا بعد الشهر الرابع من الولادة حسيت اني رديت طبيعية
- الأدوية اللي استخدمتها
في المستشفى طبعا مضادات حيوية ومسكنات للالم وابر هبيرين علشان يتجنبون حدوث الجلطات وخاصة في الأرجل
الأدوية الشعبية ....أولا المره مسحت فيها على خياطة العمليه لتجني الشمم
ومسحات طبيه بعدها لتعقيم الجرح
الحبة السوداء مع العسل - وحب الرشاد مع التمر - والحلبة - وقشر القهوة مع الدارسين
- طبعا أول يوم ما قدرت أشيل بنتي من الألم والرضاعة كانت اليوم الثالث لأنه ماكان فيه حليب
- الحكة بس استمريت على المسحات الطبية تخف إنشاء الله
- طبعا كانت لي أول ولادة
- طبعا الجرح كان خياطة
-والشيء الأهم حبيبتي صدقيني كل متاعب القيصري تهون على قلبك يوم ماشاء الله تشوفين مولودك أمامك

1-ليششششششششش عمليه, ليش مو طبيعي؟
لاني كملت التاسع واخذت اسبوع من العاشر وسووا لي طلق صناعي ولما فكو الماء لقوا البيبي مبرز جوا والحبل السري ملفوف على رقبته بس هذا انا كنت قايلته لهم من الثامن لاني كنت مسويه اشعه رباعيه

2-وين ولدتي؟؟
في المشاري بالرياض

3-من الدكتوره اللي سوتلك العمليه ووش رايك فيها؟؟
سهيله رايي فيها انها تموت بشي اسمه قيصريه اغلب البكريات معاي عندها قيصريه

4-وش احساسك بعد العمليه؟؟
الله لا يعيده من احساس عطش رهيب حسيت لساني لزق بحلقي وكنت اترجاهم يعطوني شوية مويه وصارو بس يقطرون بالقطاره في فمي وبرضو لقيت نفسي لما صحيت من البنج على جنبي الايمن وبديت احس بالم يعور مكان العمليه

5-ايش الادويه الشعبيه والعاديه اللي استخدمتيها بعد العمليه؟
ادويه مخلوطه مدري وشهي رشاد وحلبه وبخور من تحت
....... الخ
6-ايش سلبيات العمليه وايش ايجابياتها؟؟
سلبياتها الالم الي بعدها وصعوبه القومه من السرير الا بالمساعده مع الالم
ومافيه راحه اثناء النوم ولا بالحركه ولا يخف الالم الا بالمسكنات

ايجابياتها
مافيه حوسه من تحت واني شفت ولدي بخير اللهم لك الحمد

7-كيف تعاملتي مع الكحه اللي جتك بعد البنج ؟؟
كنت احط يدي على بطني واحني ظهري شوي واكح بصعوبه ماطلع الكحه كامله اوووف لا تذكريني :(

8-كيف قدرتي تتعاملين مع طفلك وترضعينه اول يوم؟؟
ماقدرت انحتي وارضعه كنت اتالم من بطني ومن ظهري بسبب الطلق الصناعي الي عالفاضي
وبالاخير رضعته صناعي

9- اذا كان عندك اولاد كبار كيف قضيتي النفاس؟؟
كان اول طفل

10-وش حطيتي على الجرح وهل كان كبس والا خياطه
اول شي بعد ماشالت الطبيبه الصقه الي عالعمليه عطني مسحات صغيره كحول امسح فيها مكان العمليه للتعقيم وبخاخ ومضادات حيويه

والحين مستمره على المناديل الكحوليه امسح فيها مكان العمليه كل يوم مره
وهالمسحات مربعات صغيره هي نفسها الي نمسح فيها سر البيبي الين يطيح تلاقينها بكل الصيدليات

وحطيت على العمليه خوا جوا كل يوم امسح مكان العمليه علشان تتساوى مع البطن ويخف اثرها لو شوي

نصيحتي لك
بعد العمليه اول يوم ارتاحي واطلبي من المستشفى مسكنات ضروري ان كانت ابر ولا حبوب
ومن ثاني يوم ابدي قومي من السرير وامشي شوي شوي بالاول بتحسين بصعوبه لكن صدقيني مافيه مثل المشي يرجعك لوضعك الطبيعي ويخفف الم العمليه
حتى الممرضات والاطباء ينصحون ويصرون على المشي علشان يتمدد الجلد ولا يصير جامد عند مكان العمليه وتتعبين

يعني عليك بالمشي من ثاني يوم وكل يوم كثري مشي عن اليوم الي قبله
لا تسوين رياضه الا بعد مرور شهر اقل شي على عمليتك وابدي بدايه بسيطه مثل شد وارخا البطن وبعدها البسي مشد خفيف وبعدها سوي رياضه للبطن والخسر

ادعيلي :26:

ايه المسكنات مو بس اول يوم بعد العمليه لاااا اقل شي اسبوع ولا اسبوعين
اطلبيه منهم لاني كنت اعاني ولا يعطوني مسكن الا اذ تعبت مره وصرت ابكي واطلب منهم حسبي الله عليهن

ولما عصبت امي عليهم وزوجي صارو كل يوم يعطوني مسكنات ومضادات حيويه
ماينفع معهم الا العين الحمرا:(