كل الاخوات اللي ردو واللي يبي يردون اقول مشكورين على النصايح الحلوه والله يحرم وجيهكم على النار.
ليمووووونه
والله صدقتي احب الليمون مشكوره على مرورك ياحبيبتي ياليمونه.
حبوبه
اجل لازم اخذ فيتامينات اقول شفيبي بولادتي الاولى كان يجيني دوخه واغماء شكرا على تنبيهك
وصححححححح عليك ياذكيه ماشاء الله سبق ومريت بالتجربه واللحين انا حامل واحتمال كبير اولد قيصري بس مييته خوف .
mish mish
الله يخلف عليك بولدك اللي مات عساه يكون شفيع لك يوم القيامه
وبعدين خذي راحتك ياعمري اسئلي زي ماتبغين ان شااء الله البنات يجاوبونك بس الامساك بالعاده يعطوننا تحاميل.
Wallah
(الجنين معترض ) <<<<<<<< نفس حالتي
ريماز
حولك ماني بعيده بس موب كنك خرجتي من الموضوع عموما شرفتينا بوجودك
مس دندن
والله قصتك تعور القلب الله يعظم لك الاجر ويبارك لك بمولودك.
gail from south
ياعمري الله يسهل عليك يارب والله ماعندي نصيحه انا محتاجه من ينصحني.
تسواهن
الله يجزاك الجنه بدون حساب ولا عقاب ويوفقك دنيا واخره
بس غريبه وشلون البيبي مبرز!!!!!!!!!!! حسبي الله عليهم

هلاحبيبتي 00
ولا تزعلين انا طلعت من الموضوع سهوا وهذاي برد على اسئلتك مع تجربة عمليتين 0


-ليششششششششش عمليه, ليش مو طبيعي؟
المره الاولى طلق صناعي وانا مخلصه وقتي ومافتح الرحم الا 4 سم وبنتي طلعت مبرزه وانتي بكرامه في بطني 0
والثانيه ماخذت طلق وسويت عمليه على طول + ان عيالي كلهم مرتفعين ما ينزلوون الحوض0


2-وين ولدتي؟؟
بمستشفى الحمادي

3-من الدكتوره اللي سوتلك العمليه ووش رايك فيها؟؟

الدكتوره رباب 00 الله يجزااها كل خير
وشهادتي فيها مجروحه 00 اولا ما تستعجل الا اذا فعلا احتجتي 0
وثانيا شاطرررره وحتى متابعتها لي بعد العمليه تجنن 0




4-وش احساسك بعد العمليه؟؟

شعور غريب وبالذات اول مره ماكنت مصدقه انني حيييت بعد تعب الطلق وقالوا عمليه مت واتوقعت اني اموت 0
ومن يوم الواحد ما يفتح عيونه يقول الحمدلله الذي احياني <<< تخاف من البنج



5-ايش الادويه الشعبيه والعاديه اللي استخدمتيها بعد العمليه؟
خرابيط مجمعه اغلبها ( حلبه + رشاد + حبة سوداء 000)



6-ايش سلبيات العمليه وايش ايجابياتها؟؟

سلبياتها التعب الي يجي بعدها ولكن لو فكر الواحد ما فيه شي من غير تعب 0

والولاده الثانيه جتني رعشه برررررد وحراره فضيعه << من الحليب 0

وايجابياتها
ان الوحده ان ما تعرضت للطلق كل شي يهون لاني في ولادتي الثانيه خف علي نص الالم او اكثر 0
وعرفت ان الطلق هو اللي يموت مو العمليه بس 0


7-كيف تعاملتي مع الكحه اللي جتك بعد البنج ؟؟
الحمدلله ما كانت كحه قد ما كان بلغم الله يكرمك خفيف من البنج
وكنت اضغط بطني واكح 0




8-كيف قدرتي تتعاملين مع طفلك وترضعينه اول يوم؟؟

اول ولاده ما قدرت ابد ولا اي يوم لان بنتي ما كانت تبي 0
وولادتي الثانيه ما بديت الا ثاني يوم والممرضه كانت تجي تمسكه لي لاني جتني حرارة الحليب 0




9- اذا كان عندك اولاد كبار كيف قضيتي النفاس؟؟
ما عندي 0



0-وش حطيتي على الجرح وهل كان كبس والا خياطه؟؟
عطوني المسحات الطبيه امسح عليه عشان ما يعرق ويتجرثم 00
وبالمستشفى هم يطهرونه لي 0 ويناظرونه لانها شغلتهم 0

وكان خياطه زي السيم عاشر يوم من الولاده اروح موعد تفكها لي وعباره عن عقدتين في كل طرف تقص طرف وتسحب الثاني 0


ارجوكي اذا عندك اي نصيحه قوليها لنا فنحن بأمس الحاجه



المشي مهم جدا 00 واهم منه ان الوحده تتقوى وتشيل الخوف 0
اول مره انا كنت اخاف اوقف لا تنفتح العمليه وتعب الطلق ما مشيت الاثالث يوم
ولكن المره الثانيه غصبت نفسي وفعلا كل ما مشى الواحد كل ما خف اثر البنج عليه 0



اختيار المكان المناسب للولاده لاننا ياما سمعنا عن مشاكل وهذا يرجع لنظافة الادوات وشطارة الطبيب 0 وكل شي ولا تجرثم الجرح عندي انه اكبر مشكله 0



والتهئيه نفسيا ان ممكن يعمل عمليه او ان كان مقرر لها تكون الوحده مرتاحه ومتهئيه هذا يخفف الكثير 0

والحمدلله اللي اخترعوا شي اسمه بنج ولو فيه تعب فهو على اجر ويكفي انه من نشوف النونو ينسى الواحد كل شي 0 ولا المخاطره بالنفس وبالبيبي 0



واخيرا الله يكتب لي ولكم كل خير0

مشكووووووووره حبيبتي ريماز على المعلومات الله يبارك لك في عيالك
والباقي يالله تعالو علمونا عن قصه ولادتكم

شكرا اختي الموضوع جدا مفيد ..واحب اقولكم تجربتي..
1-سويت عملية بسبب الطلق الصناعي اعطونياه ومن دون فايده ما فتح معي الرحم الا 1 سم خلال 12 ساعة..
2-الدكتورة الي سوت لي هي شاكرة الي في الحبيب وولادتي كانت في الملكة.
3- احساسي بعد العمليه حسبت اني بموت من التعب الي ما توقعته يخف كنت احس بتمساح عاض اسفل بطني؟؟؟
4-ما اخذت اي ادوية شعبية الا الرشاد بسبب الجهل..وكنت بس امسح على الجرح بمره مخففه
5-السلبيات الالم والبطن ما يرجع..والايجابيات ما فيه تعب ولا يخرب شي من تحت كل شي زي ماهو..
6- الكحة ذبحتني وكنت اذا شربت اي شي تجيني شرقة وماكنت اسوي الا اني امسك بطني واكح الشكوى لله.
7-انا رضعت في رابع يوم لان الحليب ما ينزل بسبب القيصرية عادة الوحدة تتاخر في الترضيع .
8- هذا الطفل الاول.
9-ما اعرف اذا كان كبس ولا خياطة بس الدكتورة قالت لي انه خياطة تجميلية الحمدلله اثرها خفيف يعني ما يبين شي .
نصيحتي :
المشي ثم المشي اول ما تصحين من البنج لا تخافين وحاولي تمشين وانتي صالبة ظهرك بتموتين من الالم بس معليش..
انا الان حامل وطالبة من الدكتورة تولدني قيصري وش ما صار بسبب ان عندي مبدا وهو اني انشقيت من بطني مره ينشق مرة ثانية ولا ينشق مكان ثان ثاني في جسمي لان الجسم مو لعبة ..والقيصرية كثير يطلبونها الان واحسن من الطبيعي رغم اني ما جربت لاكن من خلال الاخوات الي جربوا الاثنين كثير يمدحون القيصرية وياليت الاخوات يفيدونا نا في المنتدى وشكرا مره ثانية على الموضوع المهم المفيد..
يا اخوات اذا فيه احد انفتح معاها الجرح ياليت تفيدنا وش السبب وكيف تكون الاعراض...

up