اللي سنها ماوصل الثلاثين بس قريبه------ ومو مريضه من شي تدخل

ليه قلت مو مريضه
لأن لو مريضه معاها عذر لكن لو مو مريضه معناه التغيرات اللي بدأت تطرأ علينا قبل الثلاثين
انا يااخوات مع اني رشيقه ونحيقه ومشيتي سريعه طول عمري يعني اللي يشوفني في العبايه امشي في سوق يقول بنت لسى ماتزوجت وجسمي مايعطي اني متزوجه
لكن مع ذلكاصارحكم انتو وبس
بدأت احس بارهاق من سنه تقريبا في المشي وبدأت اطرافي احياني تعورني من الجلسه الطويله وخاصه ركبي لما اجلس على الارض كثير احس كأني عجوز لو جيت اوقف او اتعدل
واحيانا مره توجعني من الجلسه
وكمان ماني زي اول احس اني فعلا بدأت اكبر والاحساس قوي مدري ليه
كمان اطالع الصور الاقي التغييرات في وجهي
مو تجاعيد طبعا لأني لسى ثمنيه وعشرين
لكن صوري وانا قبل اربع سنوات غير الحين
واللي من سنه غير الحين
كيف يتغير الوجه بهذي السرعه
كلكم فاهميني واللي لها صور من سنه بتلاحظ
فيه تغييرات
مره الوجه نحيف ومره متين ومليان
ومره شاحب ومره العيون متغيره والنظره
غير كذا كل اللي كان يهمني من سنتين او اكثر اختلف تماما
الآن وكأني انولدت من جديد كيف شخصيتي تغيرت كذا ماادري؟
ماعاد يهموني الرجال ولا الغيره واقصد موضوع الغيره على الزوج وطريقة الرومنسيه ومعرف ايش
كل هذا ماعاد يهمني
صرت اهتم بامور الحياه الكبيره زي التوفير والميزانيه والصلاح والدين ولله الحمد والعيال
يعني احس اني حلوه والكل يقول كذا وشعري وجسمي بس احس اني انا مهمله فيهم لأني تغيرت شخصيتي هذا كل احساسي
ومحد انتقدني من اللي حوالي بأني تغيرت للأسوأ بس انا تغيرت
هل هذي مرحلة النضج ؟ وهل كلكم تمرون فيها ياللي مثلي؟
ولا انا على حافة خطر لأني ماعاد يهمني الجمال والغيره والكلام هذا كله
حتى التلفزيون ماعاد اطالعه الا نادرا
انشغل بامور كثيره ماكنت انشغل فيها زمان واقعد مع عيالي كثير
قبل سنه وكأني بنت ومدلعه وكل همي السوق والتسوق والتماشي والحب والدلال واللبس والتغيير
سبحان اللي يغير ولا يتغير الحمدلله على كل حال
احس اني ارتحت من امور وخايف من امور وسعيده لأمور اخرى بتحصل معايه الآن