ههههههههههههههههههههههههههااااااااااااااااااااي
قلت اكيد موضوعك فيه تسريحات قصات زيوت شباصات<<<<<<<<<< تبي تعلمكم انها صغينونه
المهم بقولكم سالفتي الي تضيق الصدر بس الله يعوضني
انا اصلن ماعمري فزت بشي ودايم اذا اشتركت بمسابقه يهونون مايوزعون جوايز او يخسرون ويعلنون افلاسهم
الزبده ياطويلة العمر اني كنت بجده في الأجازه الماضيه وكنا ب مركز التحليه <<<<<تراه سوق للي مايعرفونه خخخ
وكان فيه كشك لمنتجع بدر الي ببيروت قالو لي خوياتي سجلي اسمك يمكن تفوزين قلت هاهاهاهاهاهاهاها
عمره مافك ريقه فك ريقه وتسمم<<<<<<<<< ترى هذا مثل دايم امي تقوله
الهم بعد ترجي واقناع <<<<< احلفي يالخطيره
قلت لهم اني مره شاركت بمسابقه حليب السعوديه ومافزت تبوني افوز وللبنان بعد
وقالو بنهتم باولادك اذا سافرتي ومابقو شي ما قالوه <<<<بتقولون ليش هم ماسحبو لأنهم بنوتات لسه ماتزوجو
ونا رازه خشمي عليهم يعني اني الكبيره بينهم
مالكم بطول السوالف
الزبده اني سجلت اسمي وبياناتي وحطيت رقم زوجي وقلت له لايدقون عليه ويصرفهم ويروح تعبي خساره
بسم الله بكره الصباح دقو على زوجي وقالو مبروك دخلتو السحب قالهم انا بالرياض <<<يصرف
واسمعو بس وش قالو قالو عادي ننتضرك لما تجي لو تقعد اسبوع وهم كانو قايلين لي لاتتأخرون يوم بس ننتضرك
قالو الرحله لثلاثة اشخاص وبشاليه بالمنتجع والأكل والتمشيه مجانا بس التذاكر عليكم
قال ابو الشباب لا التذاكر علي لاماأبي ياتعطوني التذاكر ولاماني رايح<<<<<يتدلع لانه مايبي يروح اصلاًً
ومابقي احد ماعلمته اني ربحت ومسويه نفسي حركات
وبس عاد انا تشرهت على ابو الشباب وقلت تحصل وحده محضوضه مثلي وتترك الفرصه تفوتك
قال ابشري بعوضك بسفره حلوه وليومكم ماطلعت هالرحله
وسلامتكم
نعنوشه
•
الصفحة الأخيرة
الله يرج إبليسك على هيك عنوان للموضوع التوحفه بتااعك
انا ما لي ولا موقف مع المسابقات عارفه حظي أعثر لو أموت ما أفوز ولا بريال رديئه حظ بعيد عنك
بس اخوي له موقف مدري ينفع وإلا لا
مرة من المراريت كان مطعم البيك >>>فرع من فروع المطاعم للوجبات السريعه
مسوي إقتراح يطلب فيه رأي الزبائن وإيش يقترحون لهذة السلسه من المطاعم
قام أخوي وكتب رأيه وكان رأيه إنهم لو يحطون رز مع الوجبه حقتهم وإنتهى الموضوع على كذا
ونسى اخوي الموضوع وبعد ايام وهم يتصلون علينا في البيت وكل شوي يطلبون اخوي لكن إذا طلبوة ما يكون موجود في البيت ويجون اخواتي ويقولون لاخوي كل يوم البيك أتصل عليك اليوم وإنت ما كنت فيه
اخوي فرح وما صدق الخبر
وأشتغلت الاحلام عندة أكيد إنهم يبون يعطوني سيارة أو مبلغ كبير <<<< أحلام الفقراء
ويجي هذا اليوم إللي يتصلون فيه ويرد أخوي عليهم وهو ما هو مصدق نفسه إنه يكلمهم بنفسه
ويجي الخبر الصاعقه إللي صعق اخوي
الخبر هو
إحنا نبي نشكرك على إقتراحك إللي قدمته لنا
بس !!!
إيه بس 00 ويش تبي اكثر من كذا
يعني ما فيه ولا جائزة
لا ما فيه جوائز ولا يحزنون
هذة أخرتها
بس الحمد لله جات سليمه وما فيه خسائر غير كسر في المعنويات وإرتجاج في الاحلام الشبابيه
مشكورة حبيبتي على هيك موضوع توحفة
إيه نسيت مبروك على التميز وتستاهلينه يا الغلا