اللي شغالتها سافرت تدخل

عادى .. اذا مو مرتبطين معها .. لكن فى ناس يسلمونها الخيط والمخيط لأجل هذا يتأثرون اذا سافرت :icon33:
ذكرتينى .. والله عندنا جيران سافرت خدامتهم للهند كل العايله قامت تبكى :icon33: الأب يبكى والأم والعيال لأنها ربت عيالهم مدة عشر سنوات :D .. المهم سافر الأب للهند وجابها للبيت :icon28: والله تقولون امهم الا اكثر من الأم

حتى الحين عندهم من 20 سنه ماتسوى شىء بس حاطينها مشرفه على الخدامات لانها مريضه وماتشتغل بس حاطينها منظر ومسلمينها مصروف البيت وكل شى

بصراحه سالفه غريبه .. بس والله حقيقيه :30:

هلا عزيزتي محتاجة قلب مشكوره على المرور انا اتذكر خدامة بيت اهلي الهنديه قبل لمن كنا صغار والله العظيم لمن سافرت نوموني بالمستشفى من البكا ودرب بالوريد :( اموووت فيها

تقبلي تحياتي وقبلاتي اختك
آلاء

سافرت وافتقدتها والله في الكوي وغسيل المواعين ...
أما عيالي :أقولهم وين فلانه ويروحون ما يردون علي............
تراها ما تعرفهم إلا تغسل ثيابهم وتكويها فقققققققط.

عملت عندي خادمة لمدة ست سنوات تقريبا ، وذهبت للمرة الأولى (إجازة فقط ) ، وودعتها ببكاء وحزن شديد ، ومازلت أذكر تلك اللحظه فقد كانت أختا لي جزاها الله عني خيرا على ما كان منها من وفاء ...

عادت نفس الخادمة وواصلت العمل عندي أربع سنوات أخرى تغير فيها كل شئ للأسوأ ، وسافرت ( إجازة فقط ) وماذرفت لذهابها دمعة واحدة ....

هي الحقيقة فمن تقدم لك العون والحب وتشعرك بالأمان ، ففقدها صعب جدا ...

أما من تشعرين بنفور منها ، ففراقها لن يؤثر فيك أبدا ..ولن تفتقدي سوى خدمتها المعتادة في المنزل ..

خادمة واحدة فقط ذهبت مني بلاعودة منذ سنوات ، وكانت محبة لبيتي وطفلي ، ومازلت حتى اليوم أذكر حزني على رحيلها ..

هي نقطة الشعور بالإنتماء للأسرة ، التي تحدد نوعية الخادمة ، فهناك من تشعرك بأنها فرد في الأسرة وتتعامل معك على هذا الأساس ، وهذه من تفتقد فعلا وأحزن عليها ..
أما من كان عملها مجرد عمل ، ودون إحساس بالإنتماء فلا حزن عليها ..

خدامة امي توها مسافرة .....يالله ملللللللللللللللللللللللل

حتى يوم اروح اتغذى بالبيت حسيت صج بالفرق ..

وين الاول هي تشيل الغذا وتحطه وتغسل المواعين وتنظف المكان وتجهز كل شئ ..

حتى لما اروح هناك اخليها تكوي لي ولولدي لكن اللحين ؟؟؟؟؟؟؟؟؟؟

واحسره على حالنا وحال امي مسكينة تعباااااااااااانه من شغل البيت ومنهد حيلها ..

وخواتي عندهم مدارس وجامعه ؟؟ يعني ما في احد يساعدها الله يعينها ويقويها ادعوا لها يا بنات بالتوفيق واتجيب شغالة جديدة وتكون سنعه واحسن من اللي راحت ..

بس عن جد شعور غريب حتى انا حزنت عليها وااااااايد .. بس اللحين اتحصلينها مستانسة في ديرتهم وبيت اهلها ..


ادعوا لامي يا بنات لا تنسون ..... الله يعينها وتجيب شغالة جديدة ..