اللي صارت ثقتها عاليه بنفسها تدخل

مرحبا بنات
انا مشكلتي بالحياة كلها عدم الثقه
انا ثقتييييي زيرو بنفسي
حاولت اصير واثقه بنفسي او امثل لكن ماقدرت
انا من قبل من سن المراهقه من عمري ١٤
من فتره المراهقه للحين عمري وصل ٣٢
وانا كل ماكبرت ثقتي صفر
بقولكم امثله كيف ثقتي زيرو
ماعرف ارد لو احد غلط علي
لما اشوف بنات احلى مني
استحقر نفسي واتوتر معهم ولا اعرف
اقول كلمتين على بعض بسبب شكلي
لو اشوف بنت اقل من عاديه
لكن نفسيتها شينه ومغروره اتوتر
وارتبك ولا اعرف اتكلم بعد معها وياكثر
ماقابلت هالشخصيات بالدوام تصير منفسه
او شايفه نفسها وانا اللي تتعب نفسيتي بسبب!! تصير شخصيتي صفر معها
انا كشكل ماقولكم اني حلوه لا والله
اني عاديه واقل من عاديه وفيني عيوب
ويمكن هذا سبب عدم ثقتي يعني جسمي شعري وجهي فيني عيوب كثيره
لكن مو عيوب قويه خلقيه
لا الحمدلله انا كخلقه سليمه لكن كشكل
اقل من عاديه
لكن ثقتي صفررررررر بشكل ماتتخيلونه
ودي ودي اكون واثقه من نفسي اعرف اتكلم
وقويه بالكلام والجراه
ولا ارتبك ولا اتوتر ولا يختفي صوتي
واعرف ارد واخذ حقي لكن كيف !!!!!!!!!
انا شخصيتي مره مو قويه من الناحيه هذي
ومسالمه لابعد حد مع الناس
حتى لو احد اخطا علي ماذري وش فيني
كذا تعودت وكبرت على كذا
وانا متاكده اني ىارثه هالشي من امي بسبب
امي شخصيتها ضعيفه ياما جاها تجريح
من اقارب وناس وعادي تسكت وتطنش وتطلع
معهم وتخاف منهم!!
ولا ترد عليهم وحتى لو احد غريب اغلط عليها
تسكت ماتعرف تاخد حقها وطلعت عليها للاسف
ابد ابد مو عاجبني وضعي
وامنيتي اتغير بس كيفففففففف
تكفون بنات كيف الواحد يصير واثق
انا حتى مشيتي جلستي نظراتي كل شي
فيني ويوضح ان ثقتي صفر واني اتوتر
وارجف احيانا ببعض المواقف
لان ثقتي زيرو ولا اعرف اتصرف
مابي وحده خلقه ثقتها عاليه
من ايام ماطلعت على الدنيا
ابي وحده تتكلم لي نفس وضعي
يعني ماكانت ثقتها مره وتغيرت
كيف تغيرتي؟
وش المطلوب اسوي ؟