اللي صار بيني وبين زوج اختي..وهذا رد اختي

قريت موضوعك الاول

هم زعلانين وماخذين على خاطرهم وشايفين انكم حاجرين على البنت

وماتبونها تحتك فيهم كثير او تطول معهم

على الرغم انها لهم حق فيها اكثر منكم ترا هي بنت ولدهم يعني بنتهم وتنسب لهم

وسوستك الزايده ونقلك للاخبار اول باول ماله داعي

حتى وسوسه امها اللي اختك

دام انهم قالو انها مابكت ولا اعترضت لما خذوها تبات عندهم خلاص يعني

الوضع عند البنت عادي

بصراحه لهم حق يزعلون

لاتزعلين مني انتي طلبتي شورنا

وانا حطيت نفسي بالموقف بموقف الام وموقف الاهل

شكلهم حساسين

بس انتي ما شاء الله عليك

احسن منهم واعقل من الكل


قولي لأختك تتكلم هي وزوجها بخصوص هالموضوع من باب السوالف وتحكي له الي صار كله بدون ما تعصب بس توضح له الامور كلها علشان يصير على بينه مو هم يتكلمون ويحشون راسه وانتم ساكتين ما تقولون الي عندكم لازم انتم بعد توضحون علشان يمكن فيه احد منكم فاهم الثاني غلط ولا شي

يامعوده خونيها وتهون
الحموله مشاكلهم اكثر منهم
اخت لازم تلتزم الصمت لو يسبونها سب
عشان خاطر ريلهاا والعشره
ومهما كان مره كبيره بالعمر
والله يعينه ويعينكم
كلكم

اختى ام كرشه .. لو تقرين الموضوع عدل ما تشوفين الكلام اللي ظنيتيه .. يعني شنو احنا محتكرين البنت عندنا؟؟ .. البنت بنتهم مثل ماهي بنتنا.. ياخذونها وقت ما يبون بس وقت النوم عندنا لأنها مو متعوده تنام عندهم .. وبعدين انا يوم قالت لي اخته انهم يبون ينومونها عندهم قمت اتسائل يمكن تبجي قالت لي نامت وما قالت شي.. واتفقت انها تاخذها الساعه الفلانيه وعقبها اطنش ولا تتصل تعتذر اصلا ولا بينوا لي انهم زعلانين الحمد الله والشكر وتصل عليهم و مطنشين .. بالله هذا شتسمينه؟
وانا ماني موسوسه على قولتج وموغلط اللي سويته لما اطلب رايي من ناس اشوف فيهم الحكمه يمكن ينبهوني لشي .. وليش تسمينها وسوسه ليش ما تسمينها حرص مني من ان تصير مشاكل مالها داعي

مدري .. احسك كبرتي السالفه يعني يوم خذوها واصروا على اخذها خلاص سفهي وبعدين يوم تشوفينهم يتحاشونك مايبون يسلمون عليك ليش رحتي لهم كان طنشتي عشان الموضوع يمر عااادي..


الموهييييييم

لاتحطين في بالك واخذي درس بكره ماتدخلين في شؤونهم اهم وبنتهم ..واختك شوي بيزعلون منها بس اخرتهم بيرضون