كيف الناس اكيد نعرف ان نصف الجمال الشعر ومحدثتكم مافيه شي الا وجربته بشعري
وقبل 5شهور سويت سحب لون واحترق شعري وتعرفون انتوا شنو سحب لون يعني شعر باي باي
تعقدت منه صار خشن ليفه يفشل ق عشان المحترق يروح قصيته الى الكتف مع انه كان لاسفل ظهري يجنن واسود بس لعبت فيه بالصبغات وعملت سحب وتلف اول شي قصيت شعري كله الى الكتف عشان اتخلص من الشعر المحروق وقررت اني اعتني فيه عنايه مكثفه واللي حمسني خالتي لبى قلبها هي حرمه كبيره وفيها فراغات بشعرها من الحمل والولاده وحبوب المانع يعني شعلرها تشوفين جلدتها بس انصدمت فيه بعد غيبه جاتنا ماشاء الله شعرها كلها بيبي هير والفراغات اختفت بضرف 3 شهور بس تخيلوووووووو قلت اسعفيني شسويتي قالت تعرفت على وحده بمشغل شعور بناتها كثافه مو طبيعيه ونعومه كلهم طقه وحده وسالتها والحرمه كانت طيووووووبه وكسرت خاطرها خالتي ههههههههههه المهم قالت لها مالك الا الصبار (الالوفيرا)
تقول تاخذ كاس زيت عافيه
وكاس زيت السمسم
وكاس زيت الخروع الباكستاني
وتاخذ فنجال محلب مجروش
وفنجال حبه سودا( ومعروف عنها فوائدها بكل شي تطرح البركه باي خلطه تحطينها فيها وقال عنها الرسول انها شفاء من كل داء الا السام)<<<هذا معنى حديث الرسول لاني مايحضرني نصه بالضبط
وفنجال حلبه مجروشه واكيد غنيه عن التعريف
تنقعينهم في خلطه الزيوووت عشر ايام وكل يوم ترجينهم عدل وعاشر يوم تستخدمينهم مو بروحهم
لا تتاخذين الصبار الالوفيرا وهو انواع احنا نبي هذا النوع
وهذي طريقه استخراج العصاره
تقطعين لك حبه وتفتحينها بالنص وتفرغين اللي داخلها بهالطريقه
تم تعديل الصورة .. الإشراف
بعد ماتشيلين اللي داخلها تاخذين بياله من خلطه الزيت حقتك وتخلطينهم بالخلاط وهالكميه بتكفيك مرتين بالاسبوع وتكون الخلطه على شعر نظييييييييييف مو مليان زيوووت ووصخ وتحطينها وتقولين مانفعع لازم تتروشين وتخلين شعرك فيه شويه ماء وتحطين الخلطه وتلبسين كاب لمده 5 ساعات عقب غسلي شعرك
الملاحظات من اول غسله شعرك بيصير ناعم والنفشه تخف تدريجيا وبيلمع لمعان يجنن توكلوا على الله وانا باتوكل على الله وبابدا فيها معاكم
شرايكم لاني قصيت شعري وبابتدي عنايه من الصفر
الخلطه مرتين بالاسبوع على شعر نظييييييييف وتظل بالشعر مو اقل من 5 ساعات النتيجه بعد شهر ونص تشوفين البيبي هير طالع غير اللمعه والحيويه اللي فيه وسلاااااااااااااامتكم انا باديه فيه الحين وبقول لكم النتايج بعد كم شهر
اول واحد من وين نجيب الصبار؟
الثاني كيف نفرغ اللي فيه؟ الصورة ما طلعت...