اللي علاقتها بأهل زوجها كويسة تدخـــــــــل .. حيــــاكم !

حبيباتي
أنا ابذل قصارى جهدى في ان ارضي اهل زوجي واسعدهم واحاول اتغاضى عن كثير من الزلات والنظرات
والهفوات عشان تمشي الحياة
ووالله اني والحمد لله اذا زرتهم اساعدهم بالبيت وافزع معهم بالملمات واعرض خدماتي وما ادخل بيتهم وايدي فاضية
لازم اخذ معي طبق او هدية او او حلوى للاطفال

لكن
والحمد لله على كل حال
ما اشوف الا زود نفور مني وتكشير وتضايق من وجودي واحيانا تهميش لي
والله تعبت نفسيتي بالحيييييييييل
ليش انا كذا
هل انا مافهمتهم ؟
هل سياستي معهم خطأ ؟
والله حاولت اخفف زياراتي قلت يمكن يتضايقون من الزيارة الاسبوعية زعلووووا
رجعت ازورهم وما اطوول كثير برضوا زعلووووا
وفي المقابل اشوف تعاملهم مع الناس اللي يغلطون عليهم ويضايقونهم من احلى ما يكون
يعني يقابلون الاساءة بالاحسان ويحاولون ينسون ويتغاضون عن الناس
انا ما ادري ليييه الدنيا معكوووووووووسة ؟؟


فكرت اصارح وحدة من بناتهم بس خفت اندم
والله اني اعتبر زوجة اخوي بالضبط زي اختي ولا ارضى لها الاساءة من اي احد !

آآآآآآآآآآآه يا رب فرجك

على فكرة صار لي 10 سنوات متزوجة وعندي اطفال

رجاء بنات
هذا الموضوع للنصائح المثمرة والبناءة
مانبي سب والا تقليل من شأن أهل الزوج
احنا ندور على راحة البال
نبغى زي ما نحب انهم يسعدونا نبي نسعدهم
واللي ناوية تسب او تغسل شراعهم
فضلا تغادر الموضوع

بانتظاركم يا حكيمات يا مؤمنات نبي تجاربكم الراااائعة