خدمة موجود أماتت في أنفسنا الجود
¤¤¤
يابنات بأدخل بموضوعي على طول
بالله كونوا صريحين معي,,واللي ماعندها غير الرد الجارح تتركني بحالي...:44:
والله إن هالأمر مضايقني كثييير
الحين يابنات وش فايدة خدمةموجود
أو بمعنى أصح وش الغرض من هالخدمة
مو هي أساسا تعطيك خبر من دق عليك في الوقت اللي كنت خارج نطاق الشبكة
مثلا لماتكون بالطائرة
أو لما تكون في البر ومافي شبكة
أو لما تنام
أو في حالات تجبرك إنك تحول جوالك
طيب ليش الناس الآن صاروا يستخدمونها إستخدام خاطئ
تلقينهم طول وقتهم محولين جوالهم ونادر مايفتحونه
والله أنا أعرف وحدة أفرح إذا إتصلت ولقيتها فاتحةجوالها ,وإذا رحت لها زيارة أشوفها محولة جوالها وإذا جاها اتصال طبعا تجيها رسالة تناظر بالجوال وتحطه على جنب
طيب الناس اللي يدقون عليك عارفين إن عندك خدمةموجود طيب لما تشوفين ٣و٤و٥ إتصالات منهم وبعدين تفتح جوالك ليه ماتدقين عليهم
مو عيب هالحركة ياناس
هم عارفين إن عندك موجود فمايصلح تطنش ولا كأن أحد إتصل
خصوصا إذا شفت منه كذا إتصال
هذا مثله مثل واحد يدق باب بيتك ويدق ويدق وهو عارف إنك جوا بس ماتبغى تفتح له الباب
أخوات خلونا نكون صريحات مع أنفسنا
ليه حنا صرنا بس نتهرب من الناس وماعندنا قوة في شخصياتنا
طيب إنت مشغول قول والله أنا مشغول
إنت مرتبط قول أنا مرتبط
تعبان مو مشكلة إذا صدرت منك مرةوحدة راح يعذرونك
بس لاتقول الناس يزعلون ومايحبون اللي يعتذر لهم
والله إن الاعتذار أرحم من التطنيش وعدم احترام الآخرين
صدقوني هذا ماينتج إلا من ضعف في الشخصية وانعدام الفقه في التعامل مع الناس
ليه مانغير من سلوكياتنا
ليه مانوسع صدورنالغيرنا
ليه مانتحلى بالأخلاق الحسنة
،أنا ممكن أكون في وضع نفسي سيئ جدا وأحول جوالي بس مو مشكلة مرة مرتين بس مو معقول أغلب أوقاتنا محولين جوالاتنا
ماتتصورون كيف يضيق صدري لما أتصل على أحد وجواله مغلق خصوصا اللي أعرف إن عندهم خدمة موجود وكنت محتاجة منهم شي ضروري
أكثر مايضيق صدري لما مايرجع يتصل بي
أول كنا لو نتصل على أحد وجواله مغلق نقلق ونخاف بس الحين يمكن لو في مصيبةمايتقفل جواله
من إنقلاب الأحوال
والله أنا أكلمكم لأني من واقع أشوفه في أخواتي وصديقاتي وقرايبي
لازم نقف وقفةجادةمع أنفسنا
ونصحح مسارها.
حتى الناس يغسلون يديهم منك ويعرفون إن إنت إنسان ماعندك احترام أو تقدير للي حولك.
أتمنى إن ماأحد يزعل من كلامي
وقبل فترةأتكلم مع وحدة وأقول لها إني أفرح لماأدق على ناس أحتاجهم وألقى الجوال مو محول ،قالت ليش تزعلين خلاص لاتدقين عليهم لأن معروف إنهم مايبغونك ولا كان دقوا عليك لماشافوا رقمك :icon33:،
طيب لماتدق عليك فلانةوفلانةوفلانةوجوالك مغلق وكلهم فاهمين إنك ماتبغينهم طيب وش إستفدت حتى تخلين اللي يتصل يتندم على إتصاله بس يتوغر صدره .
والرسول صلى الله عليه وسلم يقول ألا أدلكم على شي إذا فعلتموه تحاببتم أفشوا السلام بينكم)
وقال عندماذكر شيئا من نعيم الجنة وسئل لمن هي:قال لمن أطاب الكلام و...و...و....
فالإسلام حرص كل الحرص على مايكسب به قلوب الناس ويزيد تآلفهم ونحن الآن مايحتاج أحد يقول وش في نفوس الناس علينا أو يتكلم حنا الآن تصرفات الناس وطريقة تعاملهم كفيلة بأن تفعل مايفعله النمام من تنافر القلوب وتباعدها
وأحيانا ترسل وحدةلوحدةرسالة تسألها عن شي أو تقول لها إذا فاضيةأبغى أجيك فتلقينها بسرعةتحول جوالها وماترد إلا آخر الليل أو اليوم الثاني وتقول معليش أنا كنت(نايمة،أو تعبانةوجوالي مغلق
طبعا هذا أشوفه قدام عيني كثير.طيب إذا كنت أنا مشغولة ليش ماأكتب بأسلوب أنا مشغولةاليومين وأنتظرك باليوم الفلاني.وريحي راسك لاكذب ولا لف ولادوران ولاشي.
أصبح الواحد منا يتقن فن الهروب والتصريف واللامبالاة وأوجدنا في الآخرين سوء الظن،وحرمنا أنفسنا من الجود والكرم في التعامل
حقا خدمةموجود أماتت في أنفسنا الجود.
أتمنى إنكم ماتحرموني من آراؤكم وتشاركوني في موضوعي
حطمي اليأس @htmy_alyas
عضوة جديدة
يلزم عليك تسجيل الدخول أولًا لكتابة تعليق.
َمتفائلهََ
•
صحيح كلامك بس الي مايبغاني مابغاه واكثر شئ تصير هالحركه في الي يدرسون بالجامعه تلقينها مشغوله تذاكر ومجتهده وصديقاتها يدقون يسألونها عن شئ انا صراحه اتنرفز وافقد المعلومات راجعي ملازمك واسألي قبل يوم الامتحان
لامو عيب .. يختي الواحد بيجلس يجامل بكل شي لين يجيه المرض
خلاص مابي ارد مابي بكيفي اللي بيزعل بكيفه واللي بيرضى بعيوني
مارح اجلس اجامل الناس على حساب راحتي
خلاص مابي ارد مابي بكيفي اللي بيزعل بكيفه واللي بيرضى بعيوني
مارح اجلس اجامل الناس على حساب راحتي
لامو عيب .. يختي الواحد بيجلس يجامل بكل شي لين يجيه المرض خلاص مابي ارد مابي بكيفي اللي بيزعل بكيفه واللي بيرضى بعيوني مارح اجلس اجامل الناس على حساب راحتيلامو عيب .. يختي الواحد بيجلس يجامل بكل شي لين يجيه المرض خلاص مابي ارد مابي بكيفي اللي بيزعل...
أمامة 12
•
لا ياحبيبتي لازم نكون واضحين وما أتوقع إن عدم المبالاةبمشاعر الناس راحة للإنسان
إذا كنت مشغولة بأقول مشغولة وإذا كنت متضايقة بأعتذر إني تعبانة شوي والللي يبغى يلتمس لي العذر فهذا يستاهل تقديره
واللي مايبغى يلتمس لي العذر فهو الخسران لأنه هو اللي يدورني
وأعرف ناس تقدر مشاعر الناس وتجدينهم من أكثر الناس احتراما
إذا كنت مشغولة بأقول مشغولة وإذا كنت متضايقة بأعتذر إني تعبانة شوي والللي يبغى يلتمس لي العذر فهذا يستاهل تقديره
واللي مايبغى يلتمس لي العذر فهو الخسران لأنه هو اللي يدورني
وأعرف ناس تقدر مشاعر الناس وتجدينهم من أكثر الناس احتراما
الصفحة الأخيرة