اللي عندها سالفة .............تدخل

الــــــــــــسلام عليكم ورحمة الله وبركاته..........

ياااا بنااااااااااات.......
هذا موضوع السواليف اللي عندها سالفة تقولها..اي نوع من السواليف سواءا
مضحكة أو محرجة او شي من هذا القبيل<<<<<< أبوها ياللغةالعربية
وبابدأ أنا بسالفتين انشالله تعجبكم.....
يالله باسم الله...
السالفة الأولى : (وهي من النوع الطريف) :2thmup:
وهي من بطولة بنت خالي الصغيرة (جوري) ندلعها(جوجو)..وطبعا السيناريو والحوار والإخراج من شخصي المحترم <<<<< ياعيني عالثقة :37:
المهم ندخل في السالفة مباشرة <<<<< ما قصرتي
مرة من المرات وتحديدا قبل عيد الأضحى بيوم
المكان:بيت جدتي-الله يحفظها-<<<< حشى صارت مسرحية.
طبعا الكل عارف في هالوقت وش يصير غالبا..المهم جيبت الضحايا المكرمات
من قبل خالي العزيز..ولا درينا الا وهالبزارين يصارخون :06: وينكبون علينا اللهم
يا كافي تقل منحاشين من صارور<<<< نقطة ضعفها
منهبلين :icon32: كل واحد يعبر عن مشاعره اللي يقول بع :surprised ,, والثاني يمممه ,,والثالث جابوا خرافين كثيرة<< جمع خروف بالمصطلح البزاريني,, والرابعة منتفشة شوشتها من الروعة,,ووحدة تصارخ له اه اه اه قرون :30: << ما طاعت تطلع الكلمة....وهكذا دواليك
المهم أن بطلة القصة (جوجو) توزّت عند أمها خايفة :unsure: ..توزت<<< اي تخبّت
وقعدت متمسكة بامها ما طاعت تتحرك تخاف تجيها البعة .. :08:
عاد تجي خدامتها المصونة (فاطمة) تحاول تطمنها وتخفف من روعها لكن دون جدوى<<< وش رايكم نقلبها رواية خخخخخخخخخخ
المهم ان البنت اصيبت بحالة نفسية من جراء الغارات او عفوا أقصد الخرفات على قولة أخوي الصغير..
ولم تبرح (جوجو) متعلقة بأمها :blink: حتى جاء وقت النوم و(فخت)<<يعني نامت
لكن تخلل نومها بعض الكوابيس المرعبة التي تتمثل بشكل (خرفان) تناقز..
وعندما حل الصباح.. وحان وقت السلخ والنفخ وأكل اللحم والكبدة :7_2_103v: ..ظلت (جوجو)
نائمة لم توقظها أمها كي لا تشهد (فلم الرعب) اللي راح يصير..
وبعد ما انتهى تصوير الفلم..وغسلوا الحوش من آثار الدماء الوحشية..
قومتها امها وروشتها ولبستها عشان تشهد معنا العيدوالحلاو والعلوم الزينة..
يوم أقبلت كاشخة كنت اول من يستقبلها..سلمت عليها ومدحتها<<تعرفون عاد لزوم المحبة..فكانت اول كلمة نطقت بها ..فيه بعّات هناك؟؟؟؟ :huh:
شان اقولها:لا حبيتي خلاص البعة بح راحت ..شان تقول: وين راحت ؟؟؟ :confused:
قلت لها:خلاص ماتت ذبحوها..شان يضيق صدرها وتقول:ليه يذبحونها :confused- << يا ناس رقيقة ..قلت لها:هم ذبحوها عشان جوجو ما تحبها تخاف منها..قالت: طيب وين أبوهم؟؟ قلت: وأبوهم بعد ذبحوه..قالت:طيب وين امهم؟؟؟ لاحول ولاقوة وامهم بعد ذبحوها..شان تشهق وتقول:طيب وفاطمتهم؟؟؟؟؟؟؟؟؟؟ :(
أنا تدوروني ما تلقوني ...تسدحت عليها من الضحك :hahaha: ...مسيكينة تحسب كل العالم عندهم فاطمة زيها..خخخخخخخخخخ ذالبزارين عليهم أفكار مب صاحية!!!


أظني طولت عليكم بالسالفة الأولى....
فإليكم الثانية: (وهي من النوع المحرج والمفشل في نفس الوقت) :D
ذات يوم كنا معزومين في استراحة طبعا تكشخنا ورحنا..
يوم دخلنا رحنا نسلم على الحريم اول شي عشان نمشي ورا أمي ..
وكان في الإستراحة أحزاب متكومة :حزب الفتيات (1) اللي هم المرحلة المتقدمة
من الجامعيات واللي ما أعرسن..وحزب الفتيات (2) اللي هم مرحلة المتوسط والثانوي..وطبعا حزب الحريم وحزب العجز ......الخ
نرجع لموضوعنا الزبدة ان امي سلمت على الحريم وجلست ..طبعا أنا بدوري وأختي
رحنا نسلم على البنات فبدينا بفتيات(1) للكبر ولأنهم على مستوانا وبعدين طلعنا برا الخيمة واتجهنا لفتيات(2)وسلمنا عليهم وكانوا ماشاءالله جيش ما طاعوا يخلصون واستهبلنا عليهم شوي وبعدين قررنا العودة إلى فتيات(1)لنجلس معهم..فصرخت وحدة من فتيات (2) تعالوا وين تروحون ؟؟؟ التفتنا لهم وقالت اختي: حنا ما نجلس مع البزارين :bkh: << واثقة من نفسها..وطبعا أنا أيدت كلام اختي وقلت اننا ما نتنازل نجلس معكم!!!!<<<يا شين رفعة الخشم..
المهم ضحكت ;) اللي صرخت وكانت ملسونة وقالت :تدرون ..أصلا أنا ما قصدتكم أقصد صديقاتي ..يا شين اللقافة..(وكانوا جماعة من البنات قاموا وراحوا)
وأنا قمت القط وجهي من الفشيلة :11retcher << ياشين التكبر صدق اللي يقول ما طار طير وارتفع الا كما طار وقع.......
عاد تحسبوني سكت رحت احفظ الباقي من وجهي لايطيح واستدركت الموضوع :07: وقلت برفعة خشم<<<هذي ما تتوب:
ايه اشوى احسبكم تقصدوننا ما بقى الاهي بعد نجلس مع البزارين ومشيت وخليتهم وسحبت اختي معي لا يجينا شي ثاني أعظم.......


أرجو ان اكون وسعت صدوركم بهالسلافتين وأرجو انكم استفدتو منها...
هاااااه يالله ورونا سواليفكم..شكل عندكم خزاين مليااااااانه..

تحـــــــــــــــــــــــــــياتي..........
كسرة ملح