اللي عندها شباصات هديه لي تدخل

السلام عليكم ورحمه الله وبركاته
كيفكم واخباركم وعلومكم
عساكم بخييير
انا وهي انا اختي اختي انا واللي بالنهايه اصير انا
مداد المشاعر
والنعم والنعم بحالكم وما عليكم زووود


888
مثل استاذ بقسم الجغرافيا يرد على نفسه وانا مو اقل منه


المهم بصراحه انا وحده شعري طايل لذا نزلت الموضوع ابي كل وحده ترسل لي شباصه وبكله واللي تبون اهم شئ بالشعر
ومن غدا ان شاء الله ببداء اربط شعري بالكليه
ولا بعد عندي نيه اصبغ خصل برتقالي مع اخضر <<<لا وحده تعلق تراي جاده ما استهبل
وان شاء الله بصبغه عما قريب بس انتظر يطول زياده
عاد اليوم وانا بالكليه يقولون البنات يازين شعرك يصلح علشان الشمس ما يجي يستهترون لاني شعري قصير بس هين ان شاء الله اطوله واوريك يا جنان



عاد انا طايل مو مثل اول ما يطول الا انا قاصته
تخيلوا بس يطول لين تحت ظهري اقصه تقل ولد الله لا يبلانا <<<ادعوا لي بالهدايه
لازم امسك المقص واحوس فيه
ولا تقولون ارفعيه لاني طالبه اقتصاد والمقص يومي مع اغراضي
واشوفه وتحكن ايدي
واخذه والعب فيه وهاذي طويله وبعدها تكون القصيره واروح للاطول وعلى الحال لين ما اخلص


عاد مره رحت الكوفيرا وكان طويل لتحت كتوفي بشوي مو طويل طويل بس بالنسبه لي يعني
اول ما اقصه

كان اقول قصيه على طوله
وش يصير عاد بعد القصقصه










الشعر من قدام ولادي
ومن وراء



























قذله الطبقه اللي تحت طويله زي عيال الامريكان وقصتهم اللي طاحوا فيها مره من المرات



وكان اكعها ضحك على نفسي بالبت واروح وانا ما عجبتني كان تجي الدراسه وانا اربط علشان ما تبين
الا اروح لامي واعطيها المقص قلت المره مو انا اللي راح احوس بعطيه امي لانها تعلق علي من قصيت

كان اقول انا ابنتك وافعلي ما تريدين
وكان تنبسط امي لانها هي اللي تشجعني اقص شعري


والا انا عااد ما اصدق والله يا بنات احيانا تقول لابوي من غير ما اعرف ودها تزين شعرها تحب القصقصه


كان تمسك شعري وتقص
وتقص وتقص
وتقص
وانا يمه ما خلصتي وتقول لا ما خلصت
وتسولف وتقول
تدرين عااد اني احب القصقصه قلت ادري يا بعدي
قالت ايه لا تحركين قلت زين
واخر شئ وبعد الحوسه قمت
الا ششوووف





جهه اطول من جهه
واجل لمها واقول يمه الله يهديك هذا طويل وذا قصير
كان تعدله لي لكن ما ظنتي تعدل
واجلس متحسفه على شعري
وبنفس الوقت اقول لامي
والله ما يغلى عليتس يا بعدي
ما يسوى فرحتتس
خليه فدوه لك كلش ولا اروح تلعب فيه الكوفيرا
وعاد من اروح الكليه وانا رابطته لكن واضحه القصه لانه ما ينربط وفيه الجزء المايل

ومن اجي الا ابوي يقول تجهزي اوديك


كان اركب واروح وتقصه
ومن رجعت اهلي صاروا ينادون باسم ولد بس ما راح اقول منهو لانه اسم عزيز على قلبي واخاف انفضح بالمنتدى <<<ههههاااي

عاد دايم حوستي وهبالي مرات انزل شعري على ورى واقصه يصير مدرج ومرا احوس فيه لين اقول امين واخرتها اروح الخياط<<<وين يا ام الشباب خياط؟؟
قصدي حلاق؟؟
لا وش تسمى حلاقه مدري قصاصه

بس انا اللحين اقبل جميع الشباصات والهدايا
وللمعلوميه بسوي زياره لبيوت خواتي بروح ارجع شباصاتي الكريستال اللي عطيتهم لان شعري اصبح طويلا


بس عندي لكم سؤال هل تاتيك مثل حالاتي او لا ؟؟؟


الملاحظات
1ـ اولا اتركي شعرك ينتفش ويطول ودعيك من المقص
2ـ اذا عندك مقص اكتبي عليه سوابقك معه علشان تتوبين تلعبين فيه
3ـ اشغلي وقتك بعيدا عن تناول المقص ولا تدعي فرصه بالتفكير بذلك
4 ـ مع السلامه ترا ما عندي الا السواليف اللي مالها داعي